Advertisement
Advertisement
Latest Telugu News
Advertisement
Published: Sun, 03 Jul 2022 21:56:15 IST

హీరోగా ప్రశంసలు అందుకుంటున్న డెలివరీ బాయ్.. ఎందుకో తెలుసా..

twitter-iconwatsapp-iconfb-icon
హీరోగా ప్రశంసలు అందుకుంటున్న డెలివరీ బాయ్.. ఎందుకో తెలుసా..

థానే : ‘ డెలివరీ బాయ్స్ ’(delivery boy) అంటే నిమిషాల్లో సర్వీసులు అందించడమే కాదు. ఆపదలో ఉన్నవారిపట్ల మానవత్వంతో వ్యవహరిస్తామని ఓ యువకుడు చాటిచెప్పాడు. తీవ్రంగా గాయపడిన బాలికట(Girl) వద్దకు వైద్యులు చేరేవరకు అక్కడే ఉండి ప్రాణాపాయాన్ని తప్పించాడు. మహారాష్ట్ర(Maharastra)లోని థానే(Thane)లో వెలుగుచూసిన ఈ ఘటనకు సంబంధించిన పూర్తివివరాలు ఈ విధంగా ఉన్నాయి. ఓ బాలిక స్కూల్ గేటు వద్ద ఆడుకుంటుండగా ఊహించని ప్రమాదం జరిగింది. ఐరన్ గేటుకున్న పదునైన కడ్డీ బాలిక బుగ్గపై దిగబడింది. కుడి కంటికి ఇంచు దూరంలో లోతుగా గుచ్చుకుని చిన్నారి విలవిల్లాడింది. బాలిక బాధను గుర్తించిన అమెజాన్ డెలివరీ పర్సన్ రవి ఆమె దగ్గరికి పరిగెత్తుకెళ్లాడు. తీవ్ర రక్తస్రావమయ్యే ప్రమాదం ఉండడంతో బుగ్గపై గుచ్చుకున్న కడ్డీని అలాగే పట్టుకుని ఉన్నాడు. అరగంటపాటు బాలిక ఎటూ కదలకుండా అలాగే పట్టుకుని నిలబడ్డారు. ఆ తర్వాత సమీపంలోని వసంత విహార్ హాస్పిటల్ నుంచి ఒక డాక్టర్, నర్సు ఘటనా స్థలానికి చేరుకున్నారు. గేటుకున్న ఐరన్ కడ్డీని కట్ చేసి బాలికను ఆస్పత్రికి తీసుకెళ్లారు. రాడ్డుని తొలగించి చికిత్స అందించారు. దీంతో బాలికకు ప్రాణాపాయం తప్పింది.


అరగంటపాటు సమయం కేటాయించి డెలివరీ బాయ్ రవి ఇప్పుడు ఆన్‌లైన్‌లో హీరోగా ప్రశంసలు అందుకుంటున్నాడు. సమయానుగుణంగా స్పందించి బాలిక ప్రాణాలను రక్షించాడని నెటిజన్లు కొనియాడుతున్నారు. రవి మెచ్చుకోవాలనుకున్న కాంటాక్ట్ చేసేందుకు ఓ ఫోన్ నంబర్‌ని కూడా ట్విటర్‌లో చేశారు. దీంతో అనేక మంది రవి సాయాన్ని పొగుడుతున్నారు. బాలికకు సాయం చేయడమే కాదు.. మానవత్వాన్ని కూడా నిలిపారని మెచ్చుకుంటున్నారు.

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.