స్టీల్‌ప్లాంట్‌ కార్మికుల సమ్మె వాయిదా
ABN , First Publish Date - 2021-05-06T05:27:30+05:30 IST
స్టీల్‌ కార్మికుల వేతన ఒప్పందం కోసం జాతీయ కార్మిక సంఘాల పిలుపు మేరకు గురువారం చేపట్టనున్న సమ్మెను వాయిదా వేస్తున్నామని ఉక్కు అఖిలపక్ష కార్మిక సంఘాల నాయకులు తెలిపారు.
ఉక్కుటౌన్‌షిప్‌, మే 5: స్టీల్‌ కార్మికుల వేతన ఒప్పందం కోసం జాతీయ కార్మిక సంఘాల పిలుపు మేరకు గురువారం చేపట్టనున్న సమ్మెను వాయిదా వేస్తున్నామని ఉక్కు అఖిలపక్ష కార్మిక సంఘాల నాయకులు తెలిపారు. ఈ సందర్భంగా సమ్మె వాయిదా పత్రాన్ని డైరెక్టర్‌(పర్సనల్‌)కు బుధవారం అందజేశారు. కరోనా విజృంభిస్తున్న ప్రస్తుత సమయంలో దేశ వ్యాప్తంగా వివిధ ప్రాంతాలకు ఆక్సిజన్‌ సరఫరా చేస్తున్నామని, సమ్మె చేయాల్సిన పరిస్థితులు ఉన్నప్పటికీ ప్రజల ఆరోగ్యాన్ని కాపాడాలనే సంకల్పంతో సమ్మె వాయిదా వేస్తున్నట్టు వెల్లడించారు. ఈ కార్యక్రమంలో జె.అయోధ్యరామ్‌, వైటీ దాసు, డి.ఆదినారాయణ, దొమ్మేటి అప్పారావు, పిట్టా రెడ్డి, సత్యారావు, డి.సురేశ్‌బాబు, కృష్ణారావు, వి.శ్రీనివాస్‌, రామ్‌కుమార్‌, మహాలక్ష్మినాయుడు, డేవిడ్‌ పాల్గొన్నారు.
