శ‌రీరంలో క‌రోనా వ్యాప్తిని అరిక‌ట్టే యాంటీబాడీ ఆవిష్క‌ర‌ణ

లండ‌న్‌: కరోనా వైరస్ శరీరంలో వ్యాప్తి చెందకుండా నిరోధించే ప్రతిరోధకాన్ని శాస్త్రవేత్తలు కనుగొన్నారు. త‌ద్వారా కోవిడ్‌-19 నివార‌ణ‌కు మెరుగైన టీకాలు తయారు చేయగలమని శాస్త్రవేత్తలు భావిస్తున్నారు. నూత‌నంగా రూపొందించిన ఈ యాంటీబాడీకి 47 డి 11 అని శాస్త్ర‌వేత్త‌లు పేరు పెట్టారు. ఈ యాంటీబాడీని కనుగొన్న నేప‌ధ్యంలో... శరీరంలోని కరోనా వైరస్‌ను క్రియారహితం చేయగలమ‌ని శాస్త్రవేత్తలు చెబుతున్నారు.  ఈ యాంటీబాడీ కరోనా వైరస్‌ను ఒక వ్యక్తి నుండి మరొకరికి వ్యాపించ‌కుండా చూస్తుంది. ఎలుకలపై ఈ యాంటీబాడీ  ప‌రీక్ష‌లు విజయవంతమయ్యాయి. ఐరోపాలోని శాస్త్రవేత్తలు ఎలుకలలో కనిపించే 51 సెల్ లైన్ల కణాలలో ఈ యాంటీబాడీని కనుగొన్నారు. తరువాత ఇది మ‌నుషుల‌కు ఉప‌యుక్త‌మ‌య్యేలా జన్యుపరంగా ఇంజనీరింగ్ చేశారు. కాగా  శాస్త్రవేత్తలు తెలిపిన వివ‌రాల ప్ర‌కారం కోవిడ్ -19 కూడా సార్స్ వైరస్ కుటుంబానికి చెందిన‌ది. ఈ శాస్త్రవేత్తల బృందానికి నాయకత్వం వహించిన‌ ఉట్రేచ్ట్ విశ్వవిద్యాలయానికి చెందిన ప్రొఫెసర్ బెరెండ్ జేన్‌ బాష్ మాట్లాడుతూ ఈ యాంటీబాడీ కరోనా వైరస్‌ను తొలగించగల సామర్థ్యాన్ని కలిగి ఉంద‌న్నారు. ఇది కణాలకు అంటుకునే వైరస్ పొరపై దాడి చేస్తుంద‌న్నారు.