రుణ సేకరణకు రాష్ట్రాలకు మరో 6నెలలు
ABN , First Publish Date - 2020-09-30T08:53:20+05:30 IST
మార్కెట్‌ నుంచి రుణాలను సేకరించడానికి రాష్ట్రాలకు రిజర్వ్‌బ్యాంకు మరో ఆర్నెల్ల గడువిచ్చింది. కొవిడ్‌ మహమ్మారి వల్ల రాష్ట్రాల ఆర్థిక నావ గతి తప్పుతుండడంతో బయటినుంచి అప్పు తెచ్చుకోండని బ్యాంకు ఈ ఏడాది ఏప్రిల్‌లో రాష్ట్రాలకు సూచించింది...
- గడువు పెంచిన రిజర్వ్‌ బ్యాంకు
న్యూఢిల్లీ, సెప్టెంబరు: మార్కెట్‌ నుంచి రుణాలను సేకరించడానికి రాష్ట్రాలకు రిజర్వ్‌బ్యాంకు మరో ఆర్నెల్ల గడువిచ్చింది. కొవిడ్‌ మహమ్మారి వల్ల రాష్ట్రాల ఆర్థిక నావ గతి తప్పుతుండడంతో బయటినుంచి అప్పు తెచ్చుకోండని బ్యాంకు ఈ ఏడాది ఏప్రిల్‌లో రాష్ట్రాలకు సూచించింది. ఆ గడవు సెప్టెంబరు 30తో ముగుస్తోంది. ఇపుడు దానిని మరో ఆరు నెలల పాటు అంటే 2021 మార్చి 31 దాకా పొడిగించింది. అదే విధంగా ఓవర్‌ డ్రాఫ్ట్‌ నిబంధనలను కూడా సడలించింది. ఏదేనా రాష్ట్రం ఓడీలో ఉండే సమయాన్ని 14 రోజుల నుంచి21 రోజులకు పెంచిన విషయం తెలిసిందే.
