రంగారెడ్డిలో రోడ్డు ప్రమాదం...ఒకరు మృతి
ABN , First Publish Date - 2021-12-20T16:32:53+05:30 IST
జిల్లాలోని రాజేంద్రనగర్ పోలీస్ స్టేషన్ పరిధి హిమాయత్ సాగర్ వద్ద ఔటర్ రింగ్ రోడ్‌పై రోడ్డు ప్రమాదం జరిగింది.
రంగారెడ్డి: జిల్లాలోని రాజేంద్రనగర్ పోలీస్ స్టేషన్ పరిధి హిమాయత్ సాగర్ వద్ద ఔటర్ రింగ్ రోడ్‌పై రోడ్డు ప్రమాదం జరిగింది. ఆగి వున్న లారీని కారు ఢీకొట్టింది. ఈ ప్రమాదంలో భర్త అక్కడికక్కడే మృతి చెందగా, భార్యకు తీవ్ర గాయాలయ్యాయి. సమాచారం అందిన వెంటనే పోలీసులు అక్కడకు చేరుకుని మహిళను ఆస్పత్రికి తరలించారు. గచ్చిబౌలి నుండి శంషాబాద్ వైపు వెళ్తుండగా ప్రమాదం జరిగింది. కేసు నమోదు చేసిన పోలీసులు దర్యాప్తు చేపట్టారు.
