అంగన్వాడీ కార్యకర్తల ముందస్తు అరెస్టు
ABN , First Publish Date - 2022-05-27T05:19:50+05:30 IST
చలో హైదరాబాద్ ఆందోళన కార్యక్రమానికి వెళ్లకుండా గురువారం అంగన్వాడీ కార్యకర్తలను అమీన్పూర్ పోలీసులు ముందస్తుగా అరెస్టు చేశారు.
‘చలో హైదరాబాద్’కు వెళ్లకుండా అడ్డుకున్న పోలీసులు
పటాన్చెరు, మే 26: చలో హైదరాబాద్ ఆందోళన కార్యక్రమానికి వెళ్లకుండా గురువారం అంగన్వాడీ కార్యకర్తలను అమీన్పూర్ పోలీసులు ముందస్తుగా అరెస్టు చేశారు. తమ సమస్యలు పరిష్కరించాలని గురువారం ఐసీడీఎస్ కమిషనర్ కార్యాలయ ముట్టడికి తెలంగాణ అంగన్వాడీ టీచర్లు, వర్కర్ల సంఘం, సీఐటీయూ సంయుక్తంగా పిలుపునిచ్చాయి. ఈ కార్యక్రమానికి పటాన్చెరు, అమీన్పూర్ మండలాల నుంచి తరలివెళ్లేందుకు బీరంగూడలో అంగన్వాడీ కార్యకర్తలు సమావేశం కాగా వారిని ఎస్ఐ సోమేశ్వరి అరెస్టు చేశారు. వారిలో నాయకులు దూలపల్లి పద్మావతి, గాజబోయిన పద్మ, చింతకాయల నిర్మల, తలారి స్వరూప, సయ్యద్హుస్సేన్బీ, బిజిలిఇందిర, ములుగు స్వరూప, బేగరి సరళ, సరుకుల జ్యోతి, దూదిపూల లక్ష్మి, సీపీఎం మండల కార్యదర్శి నాయిని నర్సింహారెడ్డి ఉన్నారు.
జహీరాబాద్, మే 26: జహీరాబాద్, న్యాల్కల్ మండలాలకు చెందిన అంగన్వాడీ కార్యకర్తలను చిరాగ్పల్లి పోలీసులు ముందస్తు అరెస్టు చేశారు.