Abn logo
Sep 20 2020 @ 02:33AM

300లోపు సిబ్బంది ఉంటే.. ఉద్యోగ కోతలకు అనుమతులు అక్కర్లేదు!

  • లోక్‌సభలో 3 లేబర్‌ కోడ్‌ బిల్లులు పెట్టిన కార్మిక శాఖ 


న్యూఢిల్లీ, సెప్టెంబరు 19: ‘‘మూడు వందలలోపు సిబ్బందితో పనిచేసే కంపెనీలు ఉద్యోగులు, కార్మికులను తొలగించడానికి, కొత్తవారి భర్తీకి ముందస్తుగా ప్రభుత్వ అనుమతులను పొందాల్సిన అవసరం ఉండకూడదు’’ అంటూ ఓ ప్రతిపాదనను కేంద్రం తెరపైకి తెచ్చింది. గతంలో వంద మందిలోపు సిబ్బంది ఉన్న కంపెనీలు ప్రభుత్వ అనుమతులతో పనిలేకుండా ఉద్యోగుల తొలగింపు, భర్తీ చేపట్టొచ్చనే నిబంధన ప్రస్తుతం అమల్లో ఉంది. ఈ సంఖ్యను 300కు పెంచాలని ప్రతిపాదించారు. శనివారం పారిశ్రామిక సంబంధాల కోడ్‌-2020, వృత్తిపరమైన రక్షణ, ఆరోగ్యం, పని వాతావరణం బిల్లు- 2020, సామాజిక భద్రత కోడ్‌-2020లను కార్మిక శాఖ మంత్రి సంతోశ్‌ గంగ్వార్‌ లోక్‌సభలో ప్రవేశపెట్టారు. అయితే కార్మిక యూనియన్ల ఏర్పాటు దగ్గరి నుంచి పని గంటలు, ఉద్యోగ కోతలు, భర్తీల దాకా అన్ని అంశాలపైనా మార్గదర్శకాలు విడుదల చేసే అధికారాలు రాష్ట్రాలకు చేకూరుతాయన్నారు. 


Advertisement
Advertisement
Advertisement