Advertisement
Advertisement
Latest Telugu News
Advertisement
Published: Thu, 18 Nov 2021 13:47:53 IST

ఎన్సీబీ అధికారి Sameer ‘Dawood’ Wankhede ముస్లిం అంటూ లీవింగ్ సర్టిఫికెట్ జారీ

twitter-iconwatsapp-iconfb-icon
ఎన్సీబీ అధికారి Sameer Dawood Wankhede ముస్లిం అంటూ లీవింగ్ సర్టిఫికెట్ జారీ

ధ్రువీకరణపత్రాలు విడుదల చేసిన ఎన్సీపీ

ముంబై : ముంబై నార్కొటిక్స్ కంట్రోల్ బ్యూరో అధికారి సమీర్ వాంఖడే అసలు పేరు సమీర్ దావూద్ వాంఖడే అని, అతను ముస్లిం అని రుజువు చేసే పాఠశాల సర్టిఫికెట్లు గురువారం వెలుగుచూశాయి. నేషనలిస్ట్ కాంగ్రెస్ పార్టీ (ఎన్సీపీ) గురువారం సమీర్ వాంఖడేకు చెందిన రెండు పాఠశాల సర్టిఫికేట్‌లను విడుదల చేయడం సంచలనం రేపింది. స్కూలు సర్టిఫికెట్లలో సమీర్ పేరు మధ్య ‘దావూద్’ అని ఉంది. వడాలలోని సెయింట్ జోసెఫ్స్ హై స్కూల్, దాదర్ లోని సెయింట్ పాల్ హై స్కూల్ సర్టిఫికెట్లలో సమీర్ ‘దావూద్’ వాంఖడే అని ఆ ధృవపత్రాల మతం కాలమ్ లో ‘ముస్లిం’ అని ఉంది. 



ఎన్సీబీ అధికారి Sameer Dawood Wankhede ముస్లిం అంటూ లీవింగ్ సర్టిఫికెట్ జారీ

ఉద్యోగం కోసం ఎస్సీగా కులధ్రువీకరణ పత్రం

ఎన్సీపీ శిబిరం విడుదల చేసిన 1995 నాటి స్కూల్ లీవింగ్ సర్టిఫికేట్‌లో అతని పేరు వాంఖడే సమీర్ ద్యాందేవ్ అని  కులాన్ని ‘మహర్’ అని ఉంది.ఆర్యన్ ఖాన్ అరెస్ట్ అయినప్పటి నుంచి సమీర్ వాంఖడేపై విరుచుకుపడుతున్న ఎన్సీపీ నేత నవాబ్ మాలిక్ ఇప్పుడు ఎన్సీబీ అధికారి ముస్లిం అని ఆరోపించారు.వాంఖడే ముస్లింగా జన్మించాడని యూపీఎస్సీ పరీక్షలో ఉత్తీర్ణత సాధించి ఎస్సీ కోటా కింద ఉద్యోగం పొందేందుకు అతను హిందూ ఎస్సీ వర్గానికి చెందినవాడినని కుల ధృవీకరణ పత్రంతో సహా నకిలీ పత్రాలను రూపొందించారని మంత్రి నవాబ్ మాలిక్ గతంలో ఆరోపించారు. నవాబ్ మాలిక్ సమీర్ వాంఖడే జనన ధృవీకరణ పత్రం కాపీని కూడా విడుదల చేశారు. 

ఎన్సీబీ అధికారి Sameer Dawood Wankhede ముస్లిం అంటూ లీవింగ్ సర్టిఫికెట్ జారీ

నకిలీ పత్రాలతో ఉద్యోగం పొందారు...

సమీర్ ఐఆర్ఎస్ అధికారిగా ఉద్యోగం పొందేందుకు నకిలీ పత్రాలను ఉపయోగించాడని మంత్రి ఆరోపించారు.సమీర్ వాంఖడే క్యాంపు పత్రాలపై మాలిక్ స్పందిస్తూ, సమీర్ వాంఖడే ఇప్పుడు బోగస్ సర్టిఫికెట్‌లను బయటపెడుతున్నారని అన్నారు. ‘‘అతను కంప్యూటరైజ్డ్ సర్టిఫికెట్లను ఉపయోగిస్తున్నాడు. అవన్నీ బోగస్. మేం నిజమైన సర్టిఫికెట్లను కోర్టుకు సమర్పించాం, అవన్నీ డాక్యుమెంట్ చేశారు. అతను ఇప్పుడు ఉద్యోగం కోల్పోవడం ఖాయం’’అని మంత్రి మాలిక్ చెప్పారు.



ఎన్సీబీ అధికారి Sameer Dawood Wankhede ముస్లిం అంటూ లీవింగ్ సర్టిఫికెట్ జారీ

మా నాన్న హిందువు : సమీర్ వాంఖడే 

 ‘‘నా తండ్రి జ్ఞాన్‌దేవ్ కచ్రూజీ వాంఖడే 30.06.2007న పూణేలోని స్టేట్ ఎక్సైజ్ డిపార్ట్‌మెంట్ సీనియర్ పోలీస్ ఇన్‌స్పెక్టర్‌గా పదవీ విరమణ చేశారు. మా నాన్న హిందువు, నా తల్లి దివంగత జహీదా ముస్లిం. నేను నిజమైన భారతీయ సంప్రదాయంలో లౌకిక కుటుంబానికి చెందినవాడిని. నా వారసత్వం గురించి నేను గర్వపడుతున్నాను. నేను డాక్టర్ షబానా ఖురేషీని 2006లో ప్రత్యేక వివాహ చట్టం 1954 ప్రకారం పౌర వివాహ వేడుకలో వివాహం చేసుకున్నాను. మేమిద్దరం 2016 సంవత్సరంలో ప్రత్యేక వివాహ చట్టం కింద సివిల్ కోర్టు ద్వారా పరస్పరం విడాకులు తీసుకున్నాం. తర్వాత 2017 సంవత్సరంలో నేను క్రాంతి దీనానాథ్ రెడ్కర్‌ను వివాహం చేసుకున్నాను’’ అని సమీర్ వాంఖడే విడుదల చేసిన ప్రకటనలో తెలిపారు. 


Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.