Advertisement
Advertisement
Latest Telugu News
Advertisement
Published: Tue, 21 Jun 2022 10:26:16 IST

Madhurai ఆలయ ప్రాంగణంలో ఆస్పత్రి

twitter-iconwatsapp-iconfb-icon
Madhurai ఆలయ ప్రాంగణంలో ఆస్పత్రి

పెరంబూర్‌(చెన్నై), జూన్‌ 20: మదురై మీనాక్షి అమ్మవారిని దర్శించుకొనే సమయంలో అస్వస్థతకు గురైన భక్తులకు అత్యవసర చికిత్స అందించేలా హిందూ దేవాదాయ శాఖ ఆధ్వర్యంలో ఆస్పత్రి ఏర్పాటుకానుంది. ప్రపంచ ప్రసిద్ధిచెందిన ఈ ఆలయానికి ప్రతిరోజు సుమా రు 50 వేల మందికి పైగా భక్తులు వస్తున్నారు. దర్శనం కోసం ఎక్కువ సేపు క్యూలైన్లలో వేచి ఉన్న పలువురు భక్తులు స్పృహ తప్పి పడిపోవడం, గుండెపోటుకు గురికావడంతో వారిని ఆస్పత్రికి తీసుకెళ్లేందుకు ఒక అంబులెన్స్‌ ఉంది. ఈ నేపథ్యంలో, ఆలయ ప్రాంగణంలో ఆస్పత్రి ఏర్పాటుచేయాలని హిందూ దేవాదాయ శాఖ నిర్ణయించింది. ఈ విషయమై ఆలయ నిర్వహణాధికారి ఒకరు మాట్లాడుతూ, భక్తుల సౌకర్యార్ధం ఆస్పత్రి ఏర్పాటుచేయాలని రాష్ట్రప్రభుత్వానికి విజ్ఞప్తి చేశామన్నారు. ఈ ఆస్పత్రిలో ఇద్దరు వైద్యులు, నర్సులు, సహాయకులు, సిబ్బందిని నియమిస్తారని, అస్వస్థతకు గురైన భక్తులకు ప్రాథమిక చికిత్స అందించి ప్రభుత్వాసుపత్రికి తరలిస్తామని తెలిపారు. ఆలయంలోని ఓ భవనంలో పడక వసతితో ఆస్పత్రి ఏర్పాటుకానుందన్నారు. వైద్యులు, నర్సుల పోస్టులకు హిందూ మతానికి చెందిన రాష్ట్ర పౌరులు అర్హులని, ఆసక్తి కలిగిన వారు www.maduraimee nakshi.org, www.tnhrce.gov.in అనే వెబ్‌సైట్లలో దరఖాస్తు చేసుకోవచ్చని ఆయన తెలిపారు.

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.