Abn logo
Feb 19 2020 @ 11:52AM

లలిత్‌గా మారిన లలిత... ఎట్టకేలకు తీరిన పెళ్లి కోరిక!

ఔరంగాబాద్: ముంబైలోని ఒక ఆసుపత్రిలో సెక్స్ ఛేంజ్ చేయించుకుని మహిళ నుంచి పురుషునిగా మారిన పోలీస్ కానిస్టేబుల్ లలిత్ సాల్వే పెళ్లి చేసుకున్నారు. 32 ఏళ్ల లలిత్ అంతకు ముందు లలితగా ఉండేవారు. 2018లో లలిత ముంబైలోని సెయింట్ జార్జ్ ఆసుపత్రిలో సెక్స్ ఛేంజ్ చేయించుకున్నారు. లలిత్ వివాహం ఔరంగాబాద్‌లోని ఒక ఆలయంలో జరిగింది. ఈ పెళ్లికి ఇరు కుటుంబాల సభ్యులు మాత్రమే హాజరయ్యారు. ఈ సందర్బంగా లలిత మాట్లాడుతూ ఎవరి వివాహానికి వెళ్లినా, తనకు ఎప్పుడు పెళ్లి అవుతుందనే ప్రశ్న వేధించేదని అన్నారు. అయితే  ఇప్పుడు దానికి సమాధానం దొరికిందన్నారు. 2009లో మహారాష్ట్ర పోలీసు విభాగంలో మహిళా కానిస్టేబుల్‌గా చేరిన లలిత కొన్నాళ్లకు శారీరక సమస్యల కారణంగా సెక్స్ చేంజ్ చేయించుకుని పురుషునిగా మారారు. దీంతో ఉద్యోగం విషయంలో లలిత్‌కు ఇబ్బందులు తలెత్తాయి. అయితే లలిత్ బాంబే హైకోర్టును ఆశ్రయించగా ఉద్యోగ సమస్యకు పరిష్కారం లభించింది. 


Advertisement
Advertisement