ప్రతి టీడీపీ కార్యకర్తకూ న్యాయం చేస్తా

‘నీరు-చెట్టు’ బిల్లులు అందేలా న్యాయ పోరాటం

టీడీపీ రాష్ట్ర ఉపాఽధ్యక్షుడు, మాజీ ఎమ్మెల్సీ గుండుమల తిప్పేస్వామి

మడకశిర టౌన, ఆగస్టు 16 : నీరు, చెట్టు పనులు చేసి బిల్లులు అందని తెలుగుదేశం పార్టీ నాయకులు, కార్యకర్తలకు న్యాయం అందేలా కృషి చేస్తానని టీడీపీ రాష్ట్ర ఉపాఽధ్యక్షుడు, మాజీ ఎమ్మెల్సీ గుండుమల తిప్పేస్వామి భోరోసా ఇచ్చారు. వైసీపీ ప్రభుత్వం కక్ష పూరితంగా ఆ బిల్లులు ఆపేసిందని, ఆ బాధితులకు తాను అండగా ఉంటానని అన్నారు. మంగళవారం ఆయన విజయవాడలో హైకోర్టు సీనియర్‌ న్యాయవాదిని కలసి సమస్యను వివరించారు. కోర్టు ద్వారా ఆ బాధితులకు న్యాయం జరిగేలా కృషి చేయాలని కోరారు. సంబంధిత బిల్లు పత్రాలను ఆ న్యాయవాదికి అందించి కోర్టులో పిటీషన దాఖలు చేయాలని కోరారు. అందుకు సంబంధించిన ఖర్చులను తానే భరించనున్నట్లు తెలిపారు.  నెల రోజుల లోపల కోర్టు ఉత్తర్వుల ద్వారా న్యాయం జరిగేలా చేస్తానని న్యాయవాది భరోసా ఇచ్చినట్లు తెలిపారు.