జగన్ సర్కార్‌ను జస్టిస్ చంద్రు సమర్థించడానికి కారణాలేంటి?

అమరావతి: ఏపీ హైకోర్టును ఉద్దేశించి జస్టిస్ చంద్రు వ్యాఖ్యలపై హైకోర్టు న్యాయమూర్తి జస్టిస్ బట్టు దేవానంద్ తీవ్రంగా స్పందించారు. ఏపీ హైకోర్టు తన పరిధి దాటి వ్యవహరిస్తోందని, ప్రభుత్వం శత్రువులు, ప్రత్యర్థులతో కాదు న్యాయవ్యవస్థతో యుద్ధం చేస్తోందని, అమరావతి భూస్కామ్‌లో ఎఫ్‌ఐఆర్‌ రిజిస్టర్‌ చేస్తే హైకోర్టు స్టే ఇచ్చిందని, కోర్టులు న్యాయం చేయాల్సిందిపోయి ఏదో చేయడానికి ప్రయత్నిస్తోందని జస్టిస్‌ చంద్రు ఆరోపణలు చేశారు. ఈ ఆరోపణలను జట్టు దేశానంద్ ఖండించారు. ఎంతో మంది ప్రాథమిక హక్కులను కాపాడుతున్నామని, జస్టిస్ చంద్రు ఆరోపణలు నిరాధారమైనవని ఆయన వ్యాఖ్యానించారు. మొత్తం హైకోర్టును ఎలా నిందిస్తారని ప్రశ్నించారు. 

‘‘ఒక డాక్టర్‌ని పోలీసులు రోడ్‌పై విచక్షణారహితంగా కొట్టారు హక్కుల గురించి పోరాడాలంటే విశాఖకు వెళ్ళండి. మంచి డైరెక్టర్‌తో సినిమా తీయించండి. దేశంలోని ఇతర హైకోర్టులతో పోలిస్తే జడ్జి నుంచి కక్షిదారుల వరకు ఏపీ హైకోర్టులో కనీస సౌకర్యాలు లేవు. కనీస సౌకర్యాలు కల్పించాల్సిన బాధ్యత ప్రభుత్వానిదే. హైకోర్టు న్యాయమూర్తులకు దురుద్దేశాలు ఆపాదిస్తుంటే సీబీఐ విచారణకు ఆదేశించడం తప్పా?.’’ అని జస్టిస్ బట్టు దేవానంద్ వ్యాఖ్యానించారు. 

ఈ నేపథ్యంలో ‘‘ జస్టిస్ చంద్రు ఎందుకు వివాదాస్పద వ్యాఖ్యలు చేశారు?. తాను పని చేసిన న్యాయ వ్యవస్థపై దారుణ వ్యాఖ్యలు చేయడానికి కారణమేంటి?. ఆంధ్రప్రదేశ్‌లో ఏం జరుగుతుందో జస్టిస్ చంద్రుకు తెలియదా?. భ్రష్టు పట్టిపోయిన జగన్ సర్కార్‌ను సమర్థించడం వెనుక అసలు కారణాలేంటి?. పౌర హక్కుల హననం, దళితులపై దాడులను చంద్రు సమర్థిస్తున్నారా?. జై భీమ్ సినిమా చెప్పిన చంద్రుకు ఇప్పుడు మాట్లాడుతున్న చంద్రుకు సంబంధం ఉందా?.’’ అనే అంశాలపై ఏబీఎన్ ఆంధ్రజ్యోతి డిబేట్ నిర్వహించింది. ఈ డిబేట్ వీడియోను చూడగలరు.