ఆక్రమణల బాటన గంగినేని చెరువు
ABN , First Publish Date - 2020-08-03T10:32:33+05:30 IST
భారీ వర్షాలతో ఏళ్ల తర్వాత చిత్తూరు నడిబొడ్డున ఉన్న గంగినేని చెరువు పూర్తిగా నిండింది.
కాలనీల జలమయంతో జనం పాట్లు
చిత్తూరు, ఆగస్టు 2: భారీ వర్షాలతో ఏళ్ల తర్వాత చిత్తూరు నడిబొడ్డున ఉన్న గంగినేని చెరువు పూర్తిగా నిండింది. మొరవ కూడా పారుతూ ఉండడంతో సమీప కాలనీలు జలమయమవుతున్నాయి. చెరువు స్థలాన్ని ఆక్రమించి ఇళ్లు కట్టుకోవడం, ఇష్టారాజ్యంగా చెరువులో భవనాల వ్యర్థాలు వేయడం సమస్యగా మారింది. దీంతో భారీ వర్షాలు కురిసి చెరువు నిండితే నీరు వెళ్లే మార్గం లేక సమీప జనావాసాల వైపు వస్తున్నాయి. ఇళ్ల మధ్యన నీళ్లు నిలిచి ఇళ్లలోకి రావడంతో జనం అవస్థలు పడుతున్నారు.
