సంబరాల సంక్రాంతి!

సంక్రాంతి పండగ అంటే ఇంటింటా సంబరాలే. ఇంటి ముందు ముగ్గులు, గొబ్బెమ్మలు, హరిదాసు కీర్తనాలు, రంగురంగుల గాలిపటాలతో సందడిగా ఉంటుంది. 

• ఈ రోజు సూర్యుడు ధనుస్సు రాశిలో నుంచి మకరరాశిలోకి ప్రవేశిస్తాడు. అందుకే మకర సంక్రాంతి అంటారు. ఇప్పటి నుంచి ఉత్తరాయణ పుణ్యకాలం ప్రారంభమవుతుంది.
• సంక్రాంతి సమయంలోనే గాలి పటాలు  ఎందుకు ఎగరేస్తారో తెలుసా? ఈ సమయంలో సూర్యరశ్మి పడితే డి-విటమిన్‌ తగినంత లభిస్తుంది. చర్మ వ్యాధులు దరిచేరకుండా ఉండటానికి, ఇన్‌ఫెక్షన్లపై పోరాటానికి కావాల్సిన శక్తిని పొందేందుకు ఇది సహాయపడుతుంది.
• తెలుగు రాష్ట్రాల్లోనే కాకుండా ఇతర చాలా రాష్ట్రాల్లో సంక్రాంతి పండగను జరుపుకొంటారు. తమిళనాడులో సంక్రాంతిని ‘థాయ్‌ పొంగల్‌’ అని,  అసోంలో ‘భొగాలి బిహు’ అని పిలుస్తారు. గుజరాత్‌లో ఉత్తరాయన్‌గా జరుపుకొంటారు.