చాణక్య నీతి: మీ రహస్య శత్రువులను ఇలా తిప్పికొట్టండి

చాణక్య నీతి ప్రకారం విజయాలు సాధిస్తున్న ప్రతీ వ్యక్తికి తెలిసిన, తెలియని శత్రువులు ఉంటారు. వారి విషయంలో ఎప్పుడూ జాగ్రత్తగా ఉండాలి. ఆచార్య చాణక్య తెలిపిన వివరాల ప్రకారం శత్రువు ఎవరైనప్పటికీ అతని లక్ష్యం హాని కలిగించడం మాత్రమే. ఎవరైనా సరే తమ శత్రువును బలహీనునిగా భావించి తప్పు చేయవద్దు. చాణక్య నీతి ప్రకారం శత్రువు కనిపించి లేదా కనిపించకుండా మీకు హాని చేయడానికి ప్రయత్నిస్తే అప్పుడు మరింత అప్రమత్తంగా ఉండాలి. 

వ్యాధులు, దోషాలు కూడా మనిషికి శత్రువులే.. వాటి విషయంలో కూడా ఎంతో జాగ్రత్త వహించాలి. చాణక్య నీతి ప్రకారం శత్రువును తేలికగా తీసుకోకూడదు. ఇది  ప్రాణాంతకంగా మారుతుంది. కొద్దిపాటి అజాగ్రత్తకు కూడా మూల్యం చెల్లించాల్సివస్తుంది. శత్రువుపై ఎప్పుడూ నిఘా ఉంచాలి. శత్రువును ఓడించడానికి మీరు తీవ్రంగా పోరాడవలసి వస్తే,  వారితో పోరాడటానికి భయపడవద్దు. పోరాడటానికి భయపడే వారు ఓటమిని ఎదుర్కొంటారు. ఎవరైతే ఎలాంటి పరిస్థితులలోనైనా ఎదుర్కొనేందుకు సర్వసన్నద్ధంగా ఉంటారో వారు ఖచ్చితంగా విజయం సాధిస్తారు. అందుకే అన్ని పరిస్థితులలో మిమ్మల్ని మీరు సిద్ధంగా ఉంచుకోండి.