మధుమేహం అదుపులో ఉండాలంటే ఇంట్లోనే ఇలా చేసి చూడండి..
ABN , First Publish Date - 2022-02-08T17:19:49+05:30 IST
మధుమేహ నివారణలో భాగంగా ప్రకృతిసిద్ధంగా లభించే మూలికలు, ఔషధ మొక్కలను ఆహారంగా తీసుకోవడం ద్వారా కూడా మధుమేహాన్ని నివారించుకోవచ్చు.
ఆంధ్రజ్యోతి(08-02-2022)
మధుమేహ నివారణలో భాగంగా ప్రకృతిసిద్ధంగా లభించే మూలికలు, ఔషధ మొక్కలను ఆహారంగా తీసుకోవడం ద్వారా కూడా మధుమేహాన్ని నివారించుకోవచ్చు.
యాపిల్ సిడార్ వెనిగర్: దీన్లో ఉండే అసిటిక్ యాసిడ్ ఎన్నో ఆరోగ్య ప్రయోజనాలను అందిస్తుంది. పరగడుపున రెండు చెంచాల యాపిల్ సిడార్ వెనిగర్ తీసుకుంటే ఉదయం వేళ ఫాస్టింగ్ షుగర్స్ అదుపులోకి వస్తాయి. ఆహారంతో పాటు రెండు చెంచాల యాపిల్ సిడార్ వెనిగర్ తీసుకుంటే రక్తంలో చక్కెర స్థాయులు పెరిగే వేగం తగ్గుతుంది.
బార్లీ: బార్లీలో అత్యధిక మాంసకృత్తులు, పీచు ఉంటాయి. నీళ్లలో ఉప్పు కలిపి 15 నిమిషాలు ఉడికించి తీసుకోవచ్చు.
కలబంద: కలబంద కాండంలో ఉండే గుజ్జు లాక్సేటివ్గా పని చేస్తుంది. కాబట్టి రసం చేసుకుని లేదా గుజ్జు రూపంలో కలబందను తీసుకోవడం ద్వారా కూడా మధుమేహాన్ని అదుపులో ఉంచుకోవచ్చు.
మెంతులు: రక్తంలో కొలెస్ట్రాల్ స్థాయితోపాటు చక్కెర స్థాయినీ తగ్గించే ఈ వంటదినుసును వాడడం అవసరం. రాత్రివేళ గ్లాసు నీళ్లలో ఒక చెంచా మెంతులు నానబెట్టి పరగడుపున తాగడం వల్ల ఫలితం ఉంటుంది.