Advertisement
Advertisement
Latest Telugu News
Advertisement
Published: Wed, 01 Dec 2021 16:18:00 IST

కమర్షియల్ గ్యాస్... ధర పెరిగింది...

twitter-iconwatsapp-iconfb-icon
కమర్షియల్ గ్యాస్... ధర పెరిగింది...

న్యూఢిల్లీ : కమర్షియల్ లిక్విఫైడ్ పెట్రోలియం స్(ఎల్‌పీజీ) సిలిండర్ ధరలు భారీగా పెరిగాయి. పంతొమ్మిది కిలోల కమర్షియల్ సిలిండర్ ధర ఈ రోజు(డిసెంబరు ఒకటి, బుధవారం) నుండి రూ. 103.50   పెరిగింది.  ఈ కేటగిరీకి చెందిన ఎల్‌పీజీ వంటగ్యాస్‌ ధరల పెరుగుదల నెల రోజుల వ్యవధిలో ఇది రెండోసారి. గతనెల ఒకటిన కమర్షియల్ ఎల్‌పీజీ సిలిండర్లపై రూ. 266 పెరిగిన విషయం తెలిసిందే. ఈ నెల మరో రూ. 103.50 పెంచింది. తాజా ధరల పెంపు అనంతరం కమర్షియల్ ఎల్‌పీజీ సిలిండర్ ధర దేశ రాజధాని ఢిల్లీలో రూ. 2,101, ముంబైలో రూ. 2,051, కోల్‌కతాలో రూ. 2,174.50, , చెన్నైలో రూ. 2,234.50 కి పెరిగింది. అంతకుముందు నవంబరు ఒకటో తేదీన కమర్షియల్ సిలిండర్ ధర పెరిగింది. అంతకుముందు అక్టోబరు 15 న పెరిగింది.


కాగా... 14.2 కిలోలు, 5 కిలోల డొమెస్టిక్ సిలిండర్ ధరలు మాత్రం స్థిరంగానే ఉన్నాయి. అంటే... గృహ వినియోగదారులకు తాజా భారం  నుంచి మినహాయింపు లభించినట్లైంది. గృహావసరాల కోసం వినియోగించే ఎల్‌పీజీ సిలిండర్ల రేట్లను యధాతథంగా కొనసాగిస్తోంది. పెంచిన రేట్లు ఈ తెల్లవారు జామున 6 గంటల నుంచి అమల్లోకొచ్చాయి. ఈ రెండు నెలల కాలంలో 19 కిలోల వంటగ్యాస్‌ సిలిండర్‌పై రూ. 369.50 పెరిగింది. ఈ ఏడాది మొదట్లో రూ. 694 గా ఉన్న గృహావసర ఎల్‌పీజీ వంటగ్యాస్ సిలిండర్ ధర ఇప్పుడు రూ. 900 మార్క్‌ను దాటింది. కాగా... ఈ నెల 6వ తేదీన డొమెస్టిక్ ఎల్‌పీజీ గ్యాస్ కనెక్షన్ల ధరలను పెంచే అవకాశముందని వినవస్తోంది. 

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.