Advertisement
Advertisement
Latest Telugu News
Advertisement
Published: Mon, 27 Dec 2021 12:23:08 IST

రోడ్డు పక్కన ఉండే మైలురాళ్లు వివిధ రంగులలో ఎందుకు ఉంటాయి? దీని వెనుకనున్న అర్థం ఏమిటో తెలిస్తే..

twitter-iconwatsapp-iconfb-icon

మనం దేశంలో ఎక్కడికైనా విహారయాత్రకు లేదా ఇతర ప్రాంతాలకు వెళ్లినప్పుడు రోడ్డు పక్క వివిధ రంగుల మైలురాళ్లను చూసేవుంటాం. ఈ రాళ్లు రివర్స్‌లో ఉన్న U ఆకారంలో కనిపిస్తాయి. ఈ రాళ్ల పైభాగం ఆకుపచ్చ, పసుపు, నలుపు, ఆరెంజ్ రంగులలో ఉంటుంది. మైలురాయి దిగువ భాగం తెలుపు రంగులో ఉంటుంది. వీటిని గమనించినప్పుడు ఈ రాళ్ల పైభాగాలు వేర్వేరు రంగుల్లో ఎందుకు ఉంటాయనే ప్రశ్న మన మనసులో మెదులుతుంది. దానికి సమాధానం ఇప్పుడు తెలుసుకుందాం. 

గ్రీన్ కలర్ మైల్‌స్టోన్ 

రోడ్డు పక్కన ఉన్న మైలురాయిలో పైభాగం పచ్చగా, కింది భాగం తెల్లగా ఉంటే మీరు ప్రయాణిస్తున్నది జాతీయ రహదారి కాదని.. అది రాష్ట్ర రహదారి అని అర్థం. ఈ రోడ్డు నిర్వహణ బాధ్యత ఆ రాష్ట్ర ప్రభుత్వానిదే అయివుంటుంది.

పసుపు రంగు మైలురాయి

రోడ్డు పక్కన కనిపించే మైలురాయిలో పైభాగం పసుపు రంగులో, దిగువ భాగం తెలుపు రంగులో ఉంటే మీరు జాతీయ రహదారిపై ప్రయాణిస్తున్నారని అర్థం. ఈ రహదారిని కేంద్ర ప్రభుత్వం నిర్మించిందని, దీని పర్యవేక్షణ బాధ్యతను కేంద్ర ప్రభుత్వం మాత్రమే చూసుకుంటుందని అర్థం.

బ్లాక్ కలర్ మైల్‌స్టోన్ 

రోడ్డు పక్కన కనిపించే మైలురాయిలో పైభాగం నల్లగా, కింది భాగం తెల్లగా ఉంటే మీరు ఏదో ఒక మహా నగరం లేదా జిల్లా రహదారిపై ప్రయాణిస్తున్నట్లు గ్రహించాలి. ఈ రహదారి బాధ్యత జిల్లా యంత్రాంగంపై ఉంటుంది. ఈ రహదారిలో ఏదైనా సమస్య ఏర్పడినప్పుడు, స్థానిక జిల్లా యంత్రాంగం ఈ విషయాన్ని రాష్ట్ర ప్రభుత్వానికి తెలియజేస్తుంది. సంబంధిత రాష్ట్ర, జిల్లా అధికారులు సంయుక్తంగా ఈ రహదారికి మరమ్మతులు చేస్తారు. 

ఆరెంజ్ కలర్ మైల్‌స్టోన్ 

రోడ్డు పక్కన ఉన్న మైలురాయిలో పైభాగం ఆరెంజ్ రంగులో ఉండి, కింది భాగం తెలుపు రంగులో ఉంటే మీరు గ్రామీణ రహదారిపై ప్రయాణిస్తున్నట్టు అర్థం. ప్రధాన మంత్రి గ్రామీణ సడక్ యోజన కింద ఇటువంటి రోడ్లు నిర్మిస్తారు. ఈ రోడ్లను నిర్వహించే బాధ్యత జిల్లా యంత్రాంగంపై ఉంటుంది.

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

ప్రత్యేకంLatest News in Teluguమరిన్ని...

Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.