Advertisement
Advertisement
Latest Telugu News
Advertisement
Published: Tue, 09 Nov 2021 16:26:53 IST

పాక్ బాటలో చైనా... Afghanపై ఢిల్లీ సమావేశానికి దూరం

twitter-iconwatsapp-iconfb-icon
పాక్ బాటలో చైనా... Afghanపై ఢిల్లీ సమావేశానికి దూరం

న్యూఢిల్లీ : ఆఫ్ఘనిస్థాన్‌పై భారత దేశం నిర్వహిస్తున్న ప్రాంతీయ భద్రతా సమావేశానికి చైనా డుమ్మా కొట్టబోతున్నట్లు జాతీయ మీడియా చెప్తోంది. నవంబరు 10న న్యూఢిల్లీలో జరిగే ఈ సమావేశానికి హాజరయ్యేది లేదని గతంలోనే పాకిస్థాన్ చెప్పగా, ఈ ప్రాంతంలోని రష్యా, ఇరాన్, తజకిస్థాన్, తుర్క్‌మెనిస్థాన్, కజకిస్థాన్, కిర్గిజ్‌స్థాన్ హాజరయ్యే అవకాశాలు కనిపిస్తున్నాయి. 


భారత దేశ జాతీయ భద్రతా సలహాదారు (ఎన్ఎస్ఏ) అజిత్ దోవల్ అధ్యక్షతన ఢిల్లీలో నవంబరు 10న ఆఫ్ఘనిస్థాన్‌పై ప్రాంతీయ భద్రతా సమావేశం జరుగుతుంది. ఈ సమావేశానికి హాజరు కావడానికి షెడ్యూలింగ్ సమస్యలు ఉన్నాయని చైనా చెప్తోందని జాతీయ మీడియా తెలిపింది. దీని అర్థం ఈ సమావేశానికి హాజరుకాబోమని చెప్పడమేనని తెలిపింది. ఈ ప్రాంతంలోని దేశాల జాతీయ భద్రతా సలహాదారులు ఈ సమావేశంలో పాల్గొంటారు. తాను హాజరు కాబోనని పాకిస్థాన్ గత వారం ప్రకటించిన సంగతి తెలిసిందే.


ద్వైపాక్షిక దౌత్య మార్గాల్లో చర్చలకు సిద్ధమేనని చైనా చెప్తోంది. ఆఫ్ఘనిస్థాన్‌ను తాలిబన్లు స్వాధీనం చేసుకోవడం వల్ల ఆ దేశంలోనూ, దాని సరిహద్దుల్లోని దేశాల్లోనూ ఉత్పన్నమయ్యే సవాళ్ళను ఎదుర్కొనేందుకు ఓ ప్రాంతీయ భద్రతా వ్యవస్థను ఏర్పాటు చేయడమే ఢిల్లీ సమావేశం లక్ష్యం. రాడికలైజేషన్, అతివాదం, ఉగ్రవాదం, క్రాస్ బోర్డర్ టెర్రరిజం, మాదక ద్రవ్యాల ఉత్పత్తి, మనుషుల అక్రమ రవాణా, అమెరికా, దాని మిత్ర పక్షాలు వదిలేసిన ఆయుధాల వాడకం వంటి అంశాలపై చర్చ జరుగుతుందని తెలుస్తోంది. 


ఈ సమావేశంలో రియర్ అడ్మిరల్ అలీ షంఖని (ఇరాన్), నికొలాయ్ పీ పట్రుషేవ్ (రష్యా), కరీం మసిమోవ్ (కజకిస్థాన్), మరట్ ముకనోవిచ్ ఇమాంకులోవ్ (కిర్గిజ్‌స్థాన్), నస్రెల్లో రహమత్జోన్ మహ్ముద్జోడా (తజకిస్థాన్), చరిమిరాట్ కాకలయ్యెవిచ్ అమవోవ్ (తుర్క్‌మెనిస్థాన్), విక్టర్ మఖ్ముడోవ్ (ఉజ్బెకిస్థాన్) పాల్గొంటారని తెలుస్తోంది. వీరు ప్రధాన మంత్రి నరేంద్ర మోదీతో కూడా సమావేశమయ్యే అవకాశం ఉందని సమాచారం.


Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.