Advertisement
Advertisement
Latest Telugu News
Advertisement
Published: Thu, 25 Nov 2021 16:44:06 IST

ఈడబ్ల్యూఎస్ కేటగిరీ వార్షికాదాయంపై కేంద్రం సమీక్ష... నీట్-పీజీ కౌన్సెలింగ్ వాయిదా...

twitter-iconwatsapp-iconfb-icon
ఈడబ్ల్యూఎస్ కేటగిరీ వార్షికాదాయంపై కేంద్రం సమీక్ష... నీట్-పీజీ కౌన్సెలింగ్ వాయిదా...

న్యూఢిల్లీ : ఆర్థికంగా బలహీన వర్గాలు (ఈడబ్ల్యూఎస్)కు చెందిన విద్యార్థులకు పోస్ట్ గ్రాడ్యుయేట్ మెడికల్ కోర్సుల్లో నేషనల్ ఎలిజిబిలిటీ కమ్ ఎంట్రన్స్ టెస్ట్ (నీట్) ప్రవేశాలకు రిజర్వేషన్లు కల్పించేందుకు వార్షికాదాయ పరిమితి రూ.8 లక్షలును సమీక్షించనున్నట్లు కేంద్ర ప్రభుత్వం తెలిపింది. ఈ ఏడాది ప్రవేశాలకు దీనిని సమీక్షిస్తామని సుప్రీంకోర్టుకు చెప్పింది. 


కేంద్ర ప్రభుత్వం తరపున సొలిసిటర్ జనరల్ తుషార్ మెహతా వాదనలు వినిపిస్తూ, నీట్ ప్రవేశాలకు ఈడబ్ల్యూఎస్ కేటగిరీ విద్యార్థుల వార్షికాదాయం క్రైటీరియాను నిర్ణయించేందుకు ఓ కమిటీని ఏర్పాటు చేయాలని కేంద్ర ప్రభుత్వం నిర్ణయించిందని చెప్పారు. ఈ ప్రక్రియ పూర్తి కావడానికి నాలుగు వారాల సమయం అవసరమని చెప్పారు. ఇంతకు ముందు కోర్టుకు హామీ ఇచ్చినట్లుగానే నీట్-పీజీ కౌన్సెలింగ్‌ను మరో నాలుగు వారాలపాటు వాయిదా వేస్తామని తెలిపారు. 


దీంతో నీట్-పీజీ కోర్సుల్లో ఈడబ్ల్యూఎస్/ఓబీసీ కోటాను సవాలు చేస్తూ దాఖలైన పిటిషన్లపై విచారణను జనవరి 6కు సుప్రీంకోర్టు వాయిదా వేసింది. ఈడబ్ల్యూఎస్ కోటా ఆచరణాత్మకంగానే ఉందని కేంద్ర ప్రభుత్వానికి సుప్రీంకోర్టు తెలిపింది. ఈ విధానానికి రాష్ట్ర ప్రభుత్వాలు మద్దతివ్వాలని చెప్పింది. 


Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.