గతంలోనే ఆర్వోబీకి కేంద్రం నిధులు : గోడం నగేష్
ABN , First Publish Date - 2022-01-23T05:45:47+05:30 IST
తాను పార్లమెంట్ సభ్యుడిగా ఉన్నప్పుడే తాంసి బస్టాండ్ రైల్వే ఓవర్ బ్రిడ్జి నిర్మాణానికి కేంద్ర ప్రభుత్వం నిధులు మంజూరు చేసిందని మాజీ ఎంపీ గోడంనగేష్ శనివారం ఒక ప్రకటనలో తెలిపారు.
ఆదిలాబాద్, జనవరి22 (ఆంధ్రజ్యోతి) : తాను పార్లమెంట్ సభ్యుడిగా ఉన్నప్పుడే తాంసి బస్టాండ్ రైల్వే ఓవర్ బ్రిడ్జి నిర్మాణానికి కేంద్ర ప్రభుత్వం నిధులు మంజూరు చేసిందని మాజీ ఎంపీ గోడంనగేష్ శనివారం ఒక ప్రకటనలో తెలిపారు. అప్పటి రైల్వే శాఖ మంత్రి సురేష్ప్రభు దృష్టికి తీసుకెళ్లగా 2016-17 కేంద్ర బడ్జెట్లో నిధులు మంజూరు చేసినట్లు గుర్తు చేశారు. తాజాగా రాష్ట్ర ప్రభుత్వం పరిపాలన అనుమతులు ఇస్తూ జీవోను జారీ చేయడం సంతోషంగా ఉందన్నారు. తాను చొరవ తీసుకోవడం వలనే రైల్వే ఓవర్ బ్రిడ్జి నిర్మాణం పనులకు ముందడుగు పడిందన్నారు.