నాలాలకు క్యాపింగ్, ప్రహరీ నిర్మాణం
ABN , First Publish Date - 2020-10-01T09:15:52+05:30 IST
గ్రేటర్లో దీర్ఘకాలికంగా పేరుకుపోయిన సమస్యల తక్షణ పరిష్కారం దిశగా అడుగులు పడుతున్నాయి.
రూ.298 కోట్ల పనులకు ఆమోదం
హైదరాబాద్ సిటీ, సెప్టెంబర్ 30 (ఆంధ్రజ్యోతి): గ్రేటర్లో దీర్ఘకాలికంగా పేరుకుపోయిన సమస్యల తక్షణ పరిష్కారం దిశగా అడుగులు పడుతున్నాయి. ఇటీవల వర్షాలకు ఇద్దరు మృతి చెందిన నేపథ్యంలో మంత్రి కేటీఆర్ వెంటనే స్పందించారు. 21న అధికారులతో అత్యవసర సమావేశం నిర్వహించారు. ఓపెన్ నాలాలకు క్యాపింగ్, అవసరమైన మరమ్మతు పనులతోపాటు వరద నీటి డ్రైన్ల నిర్మాణ ప్రతిపాదనలు వెంటనే పంపించాలని ఆదేశించారు.
ఈ నేపథ్యంలో వరద నీటి డ్రైన్ల నిర్మాణం, ఓపెన్ నాలాల క్యాపింగ్(పై కప్పు), ప్రహరీ నిర్మాణ పనులకు ప్రభుత్వం గ్రీన్ సిగ్నల్ ఇచ్చింది. రూ.298 కోట్లతో చేపట్టనున్న ఆయా పనులకు పాలనాపరమైన అనుమతులిస్తూ పురపాలక శాఖ బుధవారం ఉత్తర్వులు జారీ చేసింది.