సమాచార హక్కు చట్టంపై అవగాహన
ABN , First Publish Date - 2020-10-17T06:52:01+05:30 IST
సమాచార హక్కు రక్షణ చట్టం 3వ ఆవిర్భావ దినోత్సవాన్ని పురస్కరించుకొని నారాయణపేటలో సంఘం సభ్యులు
నారాయణపేట, అక్టోబరు 16 : సమాచార హక్కు రక్షణ చట్టం 3వ ఆవిర్భావ దినోత్సవాన్ని పురస్కరించుకొని నారాయణపేటలో సంఘం సభ్యులు శుక్రవారం అవగాహన కల్పించారు. కేజీ టూ పీజీ వరకు ఉచిత విద్య, అనాథ, వృద్ధుల సంరక్షణకు పాటు పడాలని, బాల్య వివాహాలు, బాల కార్మిక వ్యవస్థ, మహిళలపై జరుగుతున్న అత్యాచారాల నిర్మూలన, జోగినీ వ్యవస్థ నిర్మూలనకు కృషి చేయాలని పిలుపునిచ్చారు. అవినీతి రహిత సమాజం కోసం సమాచార హక్కు చట్టం, జర్నలిజం కలిసి పని చేసేందుకు అవగాహన సదస్సులు నిర్వహించాలని సూచించారు. సమావేశంలో ఆర్టీఐ మహిళా విభాగం రాష్ట్ర కన్వీనర్ హాజమ్మ, జిల్లా కన్వీనర్ ఆశప్ప, బాలరాజు, ఎల్లప్ప, నారాయణ, ఆశమ్మ, సుకన్య, భాగ్య, నర్మద, రేణుక, పద్మ, అనసూయ పాల్గొన్నారు.