ఇన్స్టాగ్రామ్లో డిలీట్ చేసినా లభ్యం!
ABN , First Publish Date - 2022-08-20T05:45:05+05:30 IST
డిలీట్ చేసిన సమాచారం, ఫొటోలు తిరిగి పొందగలిగితే అంతకుమించి ఆనందించదగ్గ విషయం ఏముంటుంది! ఇన్స్టాగ్రామ్లో ఇది వాస్తవంగా జరిగింది.
డిలీట్ చేసిన సమాచారం, ఫొటోలు తిరిగి పొందగలిగితే అంతకుమించి ఆనందించదగ్గ విషయం ఏముంటుంది! ఇన్స్టాగ్రామ్లో ఇది వాస్తవంగా జరిగింది. ఏడాది కింద డిలీట్ చేసిన డేటా లభ్యమైందని సెక్యూరిటీ రీసెర్చర్ సౌగత్ పోఖరెల్ తెలిపారు. ఇన్స్టాగ్రామ్ సర్వర్ నుంచి పూర్తిగా డిలీట్ కావడం అంటూ ఉండదని దీంతో భావిస్తున్నారు.
ఇన్స్టాగ్రామ్లో బగ్(హార్డ్వేర్ లేదంటే సాఫ్ట్వేర్లో అనూహ్యంగా ఎదురయ్యే సమస్య)ని గత అక్టోబర్లోనే సౌగత్ కనుగొన్నారు. ఇందుకుగాను ఇన్స్టాగ్రామ్ ఆయనకు ఆరువేల డాలర్లను బహుమతిగా కూడా ఇచ్చింది. యాప్లోని ‘డౌన్లోడ్ యువర్ ఇన్ఫర్మేషన్’ టూల్ని ఉపయోగించి తొలగించిన సమాచారాన్ని పొందినట్టు సంస్థ ప్రతినిధి ఒకరు ‘టెక్క్రంచ్’కు తెలిపారు. అయితే ఈ విషయంలో ఏదో దుర్వినియోగం జరిగినట్టు ఆధారం మాత్రం లభ్యం లేదని స్పష్టం చేశారు. ఇదేమి సాధారణ విషయం కాదని, డిలీట్ చేసిన డేటా యూజర్లు అందరికీ లభిస్తుందని కూడా చెప్పలేమన్నారు. డిలీట్ చేసిన డేటా సాధారణంగా నిర్దేశితకాలం వరకు లభిస్తాయి. డిలీట్ చేసిన డేటా ఇన్స్టాగ్రామ్లో పూర్తిగా తొలగేందుకు 90 రోజులు పడుతుంది. అదేవిధంగా డిలీట్ అయినవి సంవత్సరాల తరవాత లభ్యం కావడం మునుపు ట్విటర్లోనూ చోటుచేసుకుంది.