మూలివాలా మీట్‌
ABN , First Publish Date - 2017-12-02T16:56:54+05:30 IST
మటన్‌-కిలో, సోంపు-ఒక టేబుల్‌స్పూను, జీలకర్ర, ధనియాలు-ఒక్కో టీస్పూను చొప్పున, ఆవనూనె-అరకప్పు, ఇంగువ-చిటికెడు, పసుపు, శొంఠిపొడి- ఒక్కో టీస్పూను చొప్పున
కావలసినవి: మటన్‌-కిలో, సోంపు-ఒక టేబుల్‌స్పూను, జీలకర్ర, ధనియాలు-ఒక్కో టీస్పూను చొప్పున, ఆవనూనె-అరకప్పు, ఇంగువ-చిటికెడు, పసుపు, శొంఠిపొడి- ఒక్కో టీస్పూను చొప్పున, కారం- రెండు టీస్పూన్లు, ముల్లంగి (తురుము)-2, ఉప్పు-తగినంత, నీళ్లు-రెండు కప్పులు, గ్రీన్‌ యాలకులు-నాలుగు, బ్రౌన్‌ యాలకులు-రెండు, దాల్చినచెక్క ముక్కలు చిన్నవి - రెండు, లవంగాలు-ఎనిమిది, మిరియాలు-8.
తయారీ:
- కుక్కర్‌లో మటన్‌, మసాలాలు వేసి, నీళ్లను పోసి 20 నిమిషాలు ఉడికించాలి.
- పాన్‌లో సోంపు, జీలకర్ర, ధనియాలు వేసి నూనె లేకుండా వేగించాలి. చల్లారాక మిక్సీలో వేసి పొడి చేయాలి.
- లోతు ఎక్కువగా ఉన్న కళాయిలో ఆవనూనె వేడిచేయాలి. ఇంగువ పొడిని కొన్ని నీళ్లలో వేసి కలపాలి. ఆ నీటిని నూనెలో పోయాలి.
- కొన్ని నీళ్లు తీసుకుని ఉప్పు, శొంఠి, పసుపు, కారం వేసి ఉండలు కట్టకుండా కలిపి కళాయిలోని నూనెలో పోయాలి.
- వండడానికి ఉపయోగించిన మసాలాతోపాటు నూరిన తాజా మసాలాను కూడా నూనెలో కలిపి ఉండచుట్టకుండా నిమిషంపాటు గరిటెతో కలపాలి. తర్వాత ఉడకబెట్టిన మటన్‌ను అందులో కలపాలి. చివరిగా ముల్లంగి తురుము, తగినంత ఉప్పు వేయాలి.
- తర్వాత మూతపెట్టి సన్నని మంటపై మటన్‌ మెత్తగా అయ్యేవరకూ ఉడికించాలి.
- మూలీవాలా మీట్‌ రెడీ. దీన్ని వేడి వేడి అన్నంతో తింటే బాగుంటుంది.
Updated Date - 2017-12-02T16:56:54+05:30 IST
