ఆలు స్వీట్‌ బన్‌

కావలసిన పదార్థాలు: బంగాళదుంపలు - 5, గిలకొట్టిన గుడ్డు - 1, పాలు - ముప్పావు కప్పు, పంచదార - 1 టేబుల్‌ స్పూను, మైదా - 1 కప్పు, చికెన్‌ ఎసెన్స్‌ (సూపర్‌ మార్కెట్లో దొరుకుతుంది) - 1 టేబుల్‌ స్పూను, నూనె - 5 టేబుల్‌ స్పూన్లు.
తయారుచేసే విధానం: బంగాళదుంపల్ని మెత్తగా ఉడికించి తొక్కతీసి చిదిమి పెట్టుకోవాలి. ఒక పాత్రలో పంచదార, పాలు, గిలకొట్టిన గుడ్డు, చికెన్‌ ఎసెన్స్‌ వేయాలి. పంచదార కరిగాక మైదా, బంగాళదుంపల గుజ్జుని ఒకదాని తర్వాత ఒకటి వేసి బాగా కలపాలి. ఈ మిశ్రమాన్ని ఎనిమిది భాగాలుగా విభజించి కచోరీలా చేత్తో వత్తి పెనంపై నూనెలో రెండు వైపులా దోరగా వేగించాలి. వీటిని టమోటా సాస్‌తో తింటే చాలా రుచిగా ఉంటాయి.