Viral Video: పఫర్ ఫిష్‌తో ఆడుకోవాలనుకున్నాడు.. కానీ చివరికి చుక్కలు చూపించిందిగా..
ABN , First Publish Date - 2022-09-09T03:10:53+05:30 IST
సోషల్ మీడియాలో ఆసక్తికర వీడియోలు రోజూ వేలల్లో వైరల్ అవుతుంటాయి. వాటిలో కొన్ని తెగ ఆకట్టుకుంటుంటాయి. పఫర్ ఫిష్‌లు చాలా ప్రమాదకరమైనవి అనే విషయం అందరికీ తెలిసిందే..
సోషల్ మీడియాలో ఆసక్తికర వీడియోలు రోజూ వేలల్లో వైరల్ అవుతుంటాయి. వాటిలో కొన్ని తెగ ఆకట్టుకుంటుంటాయి. పఫర్ ఫిష్‌లు చాలా ప్రమాదకరమైనవి అనే విషయం అందరికీ తెలిసిందే. ఈ చేపలు అత్యంత విషపూరితమైనవి కావడంతో ఎంతో అనుభవం ఉన్న చెఫ్‌లు మాత్రమే వీటిని వండగలరు. ఈ విషయం పక్కన పెడితే.. ప్రస్తుతం పఫర్ ఫిష్‌కు (Pufferfish) సంబంధించిన వీడియో వైరల్ అవుతోంది. చేపల వలలో పడ్డ పఫర్ ఫిష్‌తో ఓ వ్యక్తి ఆడుకోవాలని చూస్తాడు. చేతికి గ్లౌజులు ఉన్నాయి కదా అని టచ్ చేయాలని చూస్తాడు. చివరకు చేప అతడికి షాక్ ఇస్తుంది.
ఇన్‌స్టాగ్రాంలో ఓ వీడియో వైరల్ అవుతోంది. సముద్రం (sea) మధ్యలో బోటుపై ప్రయాణిస్తుండగా ఈ ఘటన చోటు చేసుకుంది. చేపల కోసం వల వేయగా.. వాటితో పాటూ ఓ పఫర్ ఫిష్‌ కూడా పడుతుంది. ఒళ్లంతా ముళ్లులతో ఉన్న ఆ చేపను ఓ యువకుడు ఆసక్తిగా గమనిస్తుంటాడు. చేతికి గ్లౌజులు వేసుకుని, టచ్ చేయాలని ప్రయత్నిస్తాడు. అయితే ఉన్నట్టుండి చేపకు కోపం కట్టలు తెంచుకుంటుంది. ఒక్కసారిగా అతడిపై అటాక్ చేస్తుంది. ముళ్లులు గట్టిగా తాకడంతో వామ్మో.. అంటూ యువకుడు విలవిల్లాడిపోతాడు. ఈ వీడియో ప్రస్తుతం నెట్టింట తెగ చక్కర్లు కొడుతోంది. నెటిజన్లు దీనిపై వివిధ రకాలుగా కామెంట్లు పెడుతున్నారు.
