కరోనా నుంచి కోలుకున్న 106 ఏళ్ల వృద్ధుడు
ABN , First Publish Date - 2020-07-08T23:38:53+05:30 IST
కాగా దేశంలో కరోనా నానాటికీ తీవ్ర స్థాయికి చేరుతోంది. కొద్ది రోజులుగా రోజుకు 20 వేలకు పైగానే కేసులు నమోదు అవుతున్నాయి. దేశంలో మొత్తం కేసుల
న్యూఢిల్లీ: ఢిల్లీకి చెందిన ముక్తార్ అహ్మద్ అనే 106 ఏళ్ల వృద్ధుడు (కుటుంబ సభ్యులు తెలిపిన వివరాల ప్రకారం) కోవిడ్-19 నుంచి కోలుకున్నారు. ముక్తార్‌కు మరో అనుభవం కూడా ఉంది. 1918లో విజృభించిన స్పానిష్ ఫ్లూ సమయంలో ముక్తార్ అహ్మద్ వయసు నాలుగేళ్లు. స్పానిష్ ఫ్లూని ఎదుర్కొని ఇప్పుడు కోవిడ్-19ను జయించారు. ఈ విషయమై ఆయన మాట్లాడుతూ ‘‘నేను బతుకుతానని ఊహించలేదు. కానీ నిర్ణీతమైన చికిత్స తీసుకున్న అనంతరం కోలుకున్నాను. నా జీవితంలో ఇంతటి మహమ్మారిని ఎప్పుడూ చూడలేదు’’ అని అన్నారు.
కాగా దేశంలో కరోనా నానాటికీ తీవ్ర స్థాయికి చేరుతోంది. కొద్ది రోజులుగా రోజుకు 20 వేలకు పైగానే కేసులు నమోదు అవుతున్నాయి. దేశంలో మొత్తం కేసుల సంఖ్య 7 లక్షలకు దాటి పోయింది. మరణాల సంఖ్య 20 వేలు దాటిపోయింది.
