Abn logo
Jan 24 2021 @ 00:14AM

వర్చువల్‌ లోక్‌ అదాలత్‌లో 103 కేసుల పరిష్కారం

కొవ్వూరు, జనవరి 23: వర్చువల్‌ లోక్‌ అదాలత్‌లో 103 కేసులు పరిష్కరించినట్టు కొవ్వూరు 9వ అదనపు జిల్లా జడ్జి ఆర్‌. శరత్‌బాబు తెలిపారు. కొవ్వూరు కోర్టు ప్రాంగణంలో జిల్లా న్యాయ సేవాధికార సంస్థ ఆదేశాల మేరకు శనివారం సామాజిక మాద్యమాల ద్వారా మండల లీగల్‌ సర్వీసెస్‌ చైర్మన్‌, 9వ అదనపు జిల్లా జడ్జి ఆర్‌. శరత్‌బాబు ఆధ్వర్యంలో వర్చువల్‌ లోక్‌ అదాలత్‌ నిర్వహించి కేసులు రాజీ చేశారు.  10 సివిల్‌ కేసులు, రెండు భరణం కేసులు, 91 క్రిమినల్‌ కేసులు పరిష్కరించి రూ. 13 లక్షల 73 వేలు చెల్లించడం జరిగిందన్నారు. ప్రిన్సిపల్‌ సీనియర్‌ సివిల్‌ జడ్జి కె. వెంకటేశ్వరరావు, ఫస్ట్‌క్లాస్‌ మేజిస్ట్రేట్‌ కె. శారదాంబ బెంచ్‌లను నిర్వహించారు.


Advertisement
Advertisement
Advertisement