దీపావళికి నగదు కానుక’అంటూ సైబర్‌ వల!
ABN , Publish Date - Oct 30 , 2026 | 05:33 AM
దీపావళి నేపథ్యంలో సైబర్‌ నేరగాళ్లు సరికొత్త మోసానికి తెరలేపారు.
అప్రమత్తంగా ఉండాలంటూ సైబర్‌ సెక్యూరిటీ బ్యూరో హెచ్చరిక
హైదరాబాద్‌, అక్టోబరు 29(ఆంధ్రజ్యోతి): దీపావళి నేపథ్యంలో సైబర్‌ నేరగాళ్లు సరికొత్త మోసానికి తెరలేపారు. దీపావళి కానుకగా కేంద్ర ప్రభుత్వం ప్రతి కుటుంబానికి రూ.8,000 నగదు బహుమతి ప్రకటించిందని పేర్కొంటూ వాట్సా్‌పలో సందేశాలు పంపిస్తున్నారు. ఆ సందేశంలో ఓ లింక్‌ను జత చేస్తున్నారు. నగదు కానుక పొందేందుకు ఆ లింక్‌ను క్లిక్‌ చేసి దరఖాస్తు పూర్తి చేయాలని సూచిస్తున్నారు. ఆ లింక్‌ క్లిక్‌ చేయడం వల్ల బ్యాంకు ఖాతాలు ఖాళీ అయ్యే ముప్పు ఉందని సైబర్‌ సెక్యూరిటీ బ్యూరో డీజీ శిఖా గోయల్‌ హెచ్చరించారు. దీపావళి నేపథ్యంలో సైబర్‌ నేరగాళ్లు లక్షలాది మందికి ఇలాంటి సందేశాలు పంపిస్తున్నారని, అప్రమత్తంగా ఉండాలని ఆమె సూచించారు.