నేటినుంచే మహిళల ఆంధ్ర ప్రీమియర్‌ లీగ్‌

• ప్రారంభించనున్న నారా బ్రాహ్మణి

మంగళగిరి సిటీ (ఆంధ్రజ్యోతి): గుంటూరు జిల్లా మంగళగిరిలో మహిళల టీ-20 క్రికెట్‌ సందడి శనివారం మొదలుకానుంది. స్థానిక ఏసీఏ అంతర్జాతీయ క్రికెట్‌ మైదానంలో ఉమెన్స్‌ ఆంధ్రా ప్రీమియర్‌ లీగ్‌ పోటీలు 27వ తేదీ వరకు జరగనున్నాయి. టోర్నీలో పాల్గొనే నాలుగు జట్ల క్రీడాకారిణులు గురువారమే ఇక్కడికి చేరుకుని ప్రాక్టీస్‌ సెషన్లలో నిమగ్నమయ్యారు.

ఈ పోటీల ప్రారంభోత్సవానికి నారా బ్రాహ్మణి ముఖ్యఅతిథిగా హాజరుకానున్నారు. మొత్తం 13 మ్యాచ్‌లు జరుగనుండగా, మ్యాచ్‌లను వీక్షించేందుకు క్రీడాభిమానులకు ఉచిత ప్రవేశం కల్పించనున్నారు. టోర్నీకి తొలి రోజైన శనివారం మధ్యాహ్నం 1:30 గంటలకు రాయలసీమ జెన్‌ స్టార్స్‌, గోదావరి గోల్డెన్‌ ఈగల్స్‌, సాయంత్రం 6 గంటలకు వైజాగ్‌ ఫైర్‌ బర్డ్స్‌, అమరావతి ఈ-చాంపియన్స్‌ జట్ల మధ్య మ్యాచ్‌లు జరుగుతాయి. 27వ తేదీ సాయంత్రం 6:30 గంటలకు ఫైనల్‌ జరగనుంది.

ఈ వార్తలు కూడా చదవండి

రెండో రౌండ్‌లోనూ విజయాలు

పెళ్లికి ముందే బ్రేకప్‌