లక్ష్యసేన్‌ సంచలనం

డిఫెండింగ్‌ చాంప్‌కు షాక్‌

గాయత్రి జోడీ పరాజయం

ఆల్‌ ఇంగ్లండ్‌ బ్యాడ్మింటన్‌

బర్మింగ్‌హామ్‌: ఆల్‌ ఇంగ్లండ్‌లో భారత ఏస్‌ షట్లర్‌ లక్ష్యసేన్‌ సంచలనం సృష్టించాడు. తొలి రౌండ్‌లో డిఫెండింగ్‌ చాంపియన్‌, వరల్డ్‌ నెంబర్‌వన్‌ షి యు కి (చైనా)కు షాకిచ్చి ప్రీక్వార్టర్స్‌కు దూసుకెళ్లాడు. మంగళవారం హోరాహోరీగా సాగిన మ్యాచ్‌లో లక్ష్యసేన్‌ 23-21, 19-21, 21-17తో టాప్‌సీడ్‌ షి యు కిపై పోరాడి నెగ్గాడు. కాగా, మహిళల సింగిల్స్‌ తొలి రౌండ్‌లో మాళవిక 11-21, 6-21తో మూడో సీడ్‌ చెన్‌ యు ఫి (చైనా) చేతిలో ఓడింది. మహిళల డబుల్స్‌లో భారత స్టార్‌ ద్వయం గాయత్రీ గోపీచంద్‌- ట్రీసా జాలీ 15-21, 21-15, 18-21తో జపాన్‌ జంట అయాకో సకురమోటో-హిరోటా చేతిలో ఓటమిపాలై తొలి రౌండ్లోనే వెనుదిరి గింది. కాగా.. మిక్స్‌డ్‌ డబుల్స్‌ ఆరంభ రౌండ్‌లో భారత జోడీ ధ్రువ్‌ కపిల-తనీషా 21-17, 21-19తో మలేసియా జంట ఓవర్‌ హు పాంగ్‌ రన్‌-చెన్‌ సు యున్‌పై గెలిచి ప్రీక్వార్టర్స్‌లో అడుగుపెట్టింది.

ఇవి కూడా చదవండి..

ఇరాన్ దిగి వచ్చింది.. కానీ ఇప్పటికే ఆలస్యమైంది: ట్రంప్

ఇరాన్ అధ్యక్ష కార్యాలయంపై దాడి.. ఇజ్రాయెల్ డిఫెన్స్ ఫోర్స్ వెల్లడి