భారత్‌ వెనుకంజ

• రెండు సింగిల్స్‌లోనూ పరాజయం

• కొరియాతో డేవిస్‌ కప్‌

సియోల్‌: డేవిస్‌ కప్‌ క్వాలిఫయర్స్‌ రౌండ్‌ 2ను భారత్‌ నిరాశాజనకంగా ఆరంభించింది. శుక్రవారం దక్షిణ కొరియాతో జరిగిన రెండు సింగిల్స్‌లోనూ భారత ఆటగాళ్లు ఓడిపోయారు. ముందుగా దక్షిణేశ్వర్‌ సురేశ్‌ 6-3, 3-6, 4-6 తేడాతో సూన్‌వూ క్వోన్‌ చేతిలో పోరాడి ఓడాడు. ఇక రెండో సింగిల్స్‌లో సుమిత్‌ నగాల్‌ 6-2, 4-6, 5-7 తేడాతో హియాన్‌ చుంగ్‌కు గట్టి పోటీనిచ్చినా ఫలితం లేకపోయింది. దీంతో శనివారం శ్రీరామ్‌ బాలాజీ/నికీ పూనాచ ఆడే డబుల్స్‌ పోరుతో పాటు రివర్స్‌ సింగిల్స్‌ మ్యాచ్‌లను గెలవడం భారత్‌కు తప్పనిసరి కానుంది.