రాత్రిపూటనే దోమలు ఎందుకు యాక్టివ్‌గా ఉంటాయి? అసలు కారణం ఇదే..

ఇంటర్నెట్ డెస్క్: పగటిపూట గదిలో అక్కడక్కడా కనిపించే దోమలు.. రాత్రి అయ్యేసరికి ఒక్కసారిగా ఎక్కువైనట్లు అనిపిస్తాయి. అయితే రాత్రివేళల్లో దోమలు ఎక్కువగా చురుగ్గా ఉండటానికి చీకటి, వాతావరణ పరిస్థితులు కారణమవుతాయి. పగటిపూట వెలుతురు ఎక్కువగా ఉండటంతో కొన్ని రకాల దోమలు చీకటి ప్రదేశాల్లో దాక్కుంటాయి. రాత్రి ఉష్ణోగ్రతలు తగ్గడంతో అవి మరింత చురుగ్గా మారే అవకాశం ఉంటుంది.

అంతేకాదు.. దోమలు మన శరీరం నుంచి వెలువడే వేడిని కూడా గుర్తించగలవు. మనం నిద్రిస్తున్నప్పుడు శరీరం నుంచి వెలువడే వేడి, శ్వాస ద్వారా బయటకు వచ్చే కార్బన్ డయాక్సైడ్ వంటి సంకేతాలు దోమలను మనవైపు ఆకర్షించవచ్చు. అందుకే నిద్రపోతున్నప్పుడు దోమలు మన చుట్టూ తిరుగుతూ కనిపిస్తాయి.

అయితే అన్ని దోమలు రాత్రిపూటే చురుగ్గా ఉంటాయని అనుకోవడం సరికాదు. కొన్ని రకాల దోమలు పగటిపూట కూడా మనుషులను కుడతాయి. ముఖ్యంగా డెంగీని వ్యాప్తి చేసే ఏడిస్ దోమలు పగటి సమయంలోనే ఎక్కువగా చురుగ్గా ఉంటాయి. కాబట్టి పగటిపూట దోమల బెడద ఉండదని భావించకూడదు. వాతావరణం, ఉష్ణోగ్రత, తేమ వంటి పరిస్థితులను బట్టి దోమల చురుకుదనం, కుట్టే సమయం కూడా మారుతూ ఉంటుంది.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

రోజూ 60 సెకన్ల ప్లాంక్‌తో బీపీ తగ్గుతుందా? నిపుణులు ఏం చెబుతున్నారంటే..

ఆకలిగా ఉన్నప్పుడు కడుపులో పేగులు ఎందుకు అరుస్తాయో తెలుసా?