వైభవంగా జడల రామలింగేశ్వర స్వామి నగరోత్సవం

నల్గొండ జిల్లా నార్కట్‌పల్లి మండలం చెరువుగట్టు జడల రామలింగేశ్వర స్వామి దేవాలయంలో నగరోత్సవం వైభవంగా జరిగింది. శుక్రవారం రాత్రి నిర్వహించిన స్వామి, అమ్మవార్ల నగరోత్సవం పురవీధుల్లో కన్నుపండువగా సాగింది. వివిధ రకాల పూలతో ప్రత్యేకంగా అలకరించిన వాహనంలో స్వామి, అమ్మవార్లను పురవీధుల్లో ఊరేగించారు. నకిరేకల్ ఎమ్మెల్యే వేముల వీరేశం, డైరీ కార్పోరేషన్ చైర్మన్ గుత్తా అమిత్ రెడ్డిలు నగరోత్సవాన్ని ప్రారంభించారు. నగర ఉత్సవంలో చిన్నారుల నృత్య ప్రదర్శనలు, కోలాట ప్రదర్శన విశేషంగా ఆకట్టుకుంది.