సింగపూర్‌లో ఉగాది సంబరాలు

ABN , Publish Date - Mar 21 , 2026 | 02:50 PM

సింగపూర్‌లోని చాంగీ రామర్ దేవాలయం, సెంగ్‌కాంగ్ మురుగన్ దేవాలయం, యిషున్ మహా మారియమ్మన్ దేవాలయం శ్రీ శ్రీనివాస పెరుమాళ్ దేవాలయాల్లో మార్చి 19, 20, 2026 తేదీలలో ఉగాది పండుగను తెలుగు వారు ఘనంగా నిర్వహించుకున్నారు.

Ugadi Festival In Singapore

ఇంటర్నెట్ డెస్క్: సింగపూర్‌లోని తెలుగువారు ఈ ఏడాది ఉగాది పండుగను సంప్రదాయానికి అనుగుణంగా వైభవంగా జరుపుకున్నారు. స్థానిక చాంగీ రామర్ దేవాలయం, సెంగ్‌కాంగ్ మురుగన్ దేవాలయం, యిషున్ మహా మారియమ్మన్ దేవాలయం శ్రీ శ్రీనివాస పెరుమాళ్ దేవాలయాల్లో మార్చి 19, 20, 2026 తేదీలలో ఈ ఉత్సవాలు ఘనంగా జరిగాయి.

టీమ్ శివ ప్రసాద్ సభ్యులు ప్రత్యేకంగా మొదటిసారి నాలుగు దేవాలయాల్లో ఉగాది వేడుకలను నిర్వహించడం విశేషంగా నిలిచింది. ఈ సందర్భంగా భక్తులకు ఉగాది పచ్చడి, ప్రసాదాన్ని అందించారు. ఈ కార్యక్రమంలో భక్తి, ఆనందం, ఐక్యత, సాంప్రదాయాల పట్ల గౌరవం మరోసారి ప్రతిఫలించింది. సమాజంలోని సభ్యులంతా ఒక కుటుంబంలా కలిసి పండుగను జరుపుకోవడం అందరి హృదయాలను ఆనందంతో నింపింది. ఈ ఉత్సవాల ద్వారా సాంప్రదాయం, సంస్కృతి, భక్తి, ఐక్యతా భావనలు మరింత బలపడగా, ప్రతి కుటుంబానికి సంతోషం, ఆరోగ్యం, శాంతి కలగాలని ఆకాంక్ష వ్యక్తమైంది. ఈ ఆశయంతో, సింగపూర్‌లో టీమ్ శివ ప్రసాద్ సభ్యులు 2026 ఉగాది వేడుకలను విజయవంతంగా ముగించారు.