కుండీల్లో చిలగడ దుంప..
ABN , Publish Date - Jul 01 , 2026 | 03:41 AM
మిద్దె తోటలో, బాల్కనీలో, ఇంటి పక్కన ఉన్న చిన్నపాటి స్థలంలో సులువుగా చిలగడ దుంపలను సాగు చేసుకోవచ్చు. ఆ వివరాలు...
మిద్దె తోటలో, బాల్కనీలో, ఇంటి పక్కన ఉన్న చిన్నపాటి స్థలంలో సులువుగా చిలగడ దుంపలను సాగు చేసుకోవచ్చు. ఆ వివరాలు...
ముందుగా వెడల్పాటి పెద్ద కుండీ లేదా పెద్ద సైజు గ్రోబ్యాగ్ను ఏర్పాటు చేసుకోవాలి.
మట్టిలో పశువుల ఎరువు, కొబ్బరి పొట్టు, సేంద్రియ ఎరువులు వేసి బాగా కలపాలి. ఆపైన కుండీ లేదా గ్రో బ్యాగ్లో ముప్పావు వంతు వరకు వదులుగా ఉండేలా ఆ మట్టిని నింపాలి.
నర్సరీ నుంచి ఆరోగ్యకరమైన చిలగడ దుంపల తీగల్ని తెచ్చి కనీసం 30 సెం.మీల పొడవుండే కొమ్మలుగా కత్తిరించాలి. ప్రతి కొమ్మకూ నాలుగు కణుపులు ఉండేలా చూసుకోవాలి. రెండు కణుపులు మట్టిలోకి వెళ్లేలా కొమ్మలు నాటాలి.
కుండీ లేదా గ్రో బ్యాగ్లో రెండు కొమ్మలు నాటవచ్చు. వాటికి బాగా సూర్యరశ్మి తగలాలి.
కొమ్మలు మట్టిలో నాటుకుని వేర్లు పెరిగే వరకు రోజూ నీటిని అందించాలి. కొమ్మలు తీగలుగా పాకడం మొదలుపెట్టాక మట్టి తడారినప్పుడు కొద్దిగా నీటిని చిలకరిస్తే సరిపోతుంది.
నాలుగు నెలల్లో ఆకులు పసుపు రంగులోకి మారుతుంటాయి. అంటే వేర్ల వద్ద చిలగడదుంపలు కోయడానికి సిద్ధంగా ఉన్నాయని గుర్తించాలి.
ఇవి కూడా చదవండి
అమెరికా సుప్రీంకోర్టు కీలక తీర్పు.. మహిళల క్రీడల్లో ట్రాన్స్జెండర్లపై నిషేధం
ఎన్నికల హామీల అమలులో కాంగ్రెస్ విఫలం: హరీశ్ రావు
