సిలికా జెల్తో చెదపురుగులు దూరం
ABN , Publish Date - Mar 30 , 2026 | 03:21 AM
బూట్లు, హ్యాండ్ బ్యాగ్స్, ఎలకా్ట్రనిక్ గాడ్జెట్స్, దుస్తులు లాంటివి కొన్నప్పుడు ఆ బాక్సుల్లో తెల్లటి సిలికా జెల్ ప్యాకెట్లను చూస్తుంటాం. ఇవి...
బూట్లు, హ్యాండ్ బ్యాగ్స్, ఎలకా్ట్రనిక్ గాడ్జెట్స్, దుస్తులు లాంటివి కొన్నప్పుడు ఆ బాక్సుల్లో తెల్లటి సిలికా జెల్ ప్యాకెట్లను చూస్తుంటాం. ఇవి గాలిలోని అదనపు తేమను పీల్చుకొని డెసికెంట్లా పనిచేస్తూ ఆ ఉత్పత్తులకు రక్షణ కల్పిస్తాయి. వీటిని పడేయకుండా ఎలా ఉపయోగించుకోవచ్చో తెలుసుకుందాం...
మహిళలు మేకప్ కోసం రకరకాల క్రీమ్లు, లోషన్లు, పౌడర్లు వినియోగిస్తుంటారు. వీటి పక్కన సిలికా జెల్ ప్యాకెట్లను ఉంచితే ఎంతకాలమైనా అవి తాజాగా ఉంటాయి. అలాగే డ్రెస్సింగ్ మిర్రర్ అరల్లో ఈ ప్యాకెట్లను ఉంచితే ఐ షాడో, మస్కారా, లిప్స్టిక్, నెయిల్ పాలిష్, మేకప్ బ్రష్ లాంటివి గట్టిపడకుండా ఉంటాయి.
పుస్తకాల షెల్ఫ్లో రెండు లేదా మూడు సిలికా జెల్ ప్యాకెట్లు ఉంచితే చెద పురుగులు, ఇతర క్రిమి కీటకాలు చేరవు. పుస్తకాలకు దుమ్ము వాసన పట్టదు.
కుటుంబ సభ్యుల ఆధార్ కార్డ్లు, పట్టాదారు పాస్ పుస్తకాలు, ముఖ్యమైన డాక్యుమెంట్లు, సర్టిఫికెట్లు, పాత ఫొటోలు తదితరాలున్న చోట నాలుగైదు సిలికా జెల్ ప్యాకెట్లు ఉంచితే.. తేమ తగలకుండా అవన్నీ భద్రంగా ఉంటాయి.
వెండి ఆభరణాలు దాచుకునే బాక్సులో ఓ సిలికా జెల్ ప్యాకెట్ ఉంచితే అవి నల్లబడకుండా తెల్లగా మెరుస్తుంటాయి.
టూల్ బాక్స్లో ఈ ప్యాకెట్లను ఉంచడం వల్ల మేకులు, బోల్టులు, ఇతర పనిముట్లు తుప్పు పట్టవు.
వార్డ్ రోబ్ అరల మూలల్లో సిలికా జెల్ ప్యాకెట్లను ఉంచితే ఏ సీజన్లోనైనా దుస్తులు తాజా అనుభూతినిస్తాయి.
కొంతమంది వాడే బూట్లనుంచి దుర్వాసన వస్తూ ఉంటుంది. అలాంటప్పుడు రాత్రిపూట సిలికాజెల్ ప్యాకెట్లను బూట్లలో ఉంచితే ఉదయానికల్లా అవి ఫ్రెష్గా మారిపోతాయి. అలాగే జిమ్ బ్యాగ్ల్లో కూడా ఈ ప్యాకెట్లను ఉంచడం మంచిది.
సిలికా జెల్ ప్యాకెట్లు తేమను పీల్చుకుని బరువుగా మారినప్పుడు వాటిని కొద్దిసేపు ఎండలో లేదంటే ప్రీ హీట్ చేసిన ఓవెన్లో ఉంచితే అవి మళ్లీ కొత్తవాటిలా పనిచేస్తాయి.
ఇవీ చదవండి:
పీఎస్ఎల్2026: పాకిస్థాన్కు మరో ఘోర అవమానం!
గంభీర్ పేరుతో ఉన్న ఏఐ వీడియోలు 36 గంటల్లో తొలగించాలి: ఢిల్లీ హైకోర్టు ఆదేశాలు
