పిల్లలు పొడవుగా...

పిల్లలు ఆరోగ్యంగా ఎదగాలంటే వారికి చిన్నప్పటి నుంచీ పోషకాహారం తినిపించాలని నిపుణులు సూచిస్తున్నారు. పిల్లలు పొడవుగా పెరిగేందుకు తోడ్పడే ఆహార పదార్థాల గురించి తెలుసుకుందాం...

పాల ఉత్పత్తులు: పాలు, పెరుగు, చీజ్‌, జున్ను లాంటి ఆహార పదార్థాల్లో ఎ, బి, డి, ఇ విటమిన్లతోపాటు ప్రొటీన్లు, కాల్షియం లాంటి మినరల్స్‌ అధికంగా ఉంటాయి. వీటిని రోజూ తినిపించడం వల్ల పిల్లలు బలంగా పొడవుగా పెరుగుతారు.

కోడిగుడ్లు: రోజూ గుడ్లు తినిపించడం వల్ల పిల్లలకు అవసరమైన ఎ, బి, డి విటమిన్లు; ప్రొటీన్లు, కోలిన్‌ లాంటి పోషకాలు లభిస్తాయి. పిల్లల్లో రోగనిరోధక శక్తి పెరగడంతోపాటు శారీరక పెరుగుదల మెరుగుపడుతుంది.

అరటి పండ్లు: వీటిలో కాల్షియం, మాంగనీస్‌, పొటాషియం లాంటి మినరల్స్‌; పీచు పదార్థాలు, పలు విటమిన్లు పుష్కలంగా ఉంటాయి. పిల్లలకు రోజూ ఉదయాన్నే అల్పాహారంతో పాటు ఒక అరటి పండును తినిపిస్తే జీవక్రియలు సజావుగా జరిగి ఎత్తు పెరుగుతారు.

చేపలు: వీటిలో కాల్షియం, పాస్ఫరస్‌, ఐరన్‌, సిలీనియం, ఒమేగా 3 ఫ్యాటీ ఆమ్లాలు అధికంగా ఉంటాయి. ఇవి పిల్లల ఎదుగుదలకు తోడ్పడతాయి. కాబట్టి వారానికి ఒకసారైనా చేపలను పిల్లల ఆహారంలో చేర్చాలి.

ఆకు కూరలు: వీటిలో ఎ, సి, కె విటమిన్లు; కాల్షియం, మెగ్నీషియం, పొటాషియం, ఐరన్‌ లాంటి మినరల్స్‌; పీచుపదార్థాలు, ఫోలేట్లు లాంటి పోషకాలు అధికంగా ఉంటాయి. రోజూ ఒక ఆకుకూరను ఆహారంలో చేరిస్తే పిల్లలు పొడవుగా పెరుగుతారు.

ఇవి కూడా చదవండి

మచిలీపట్నంలో భారీ చోరీ.. ఉపాధ్యాయురాలి ఇంట్లో 50 తులాల బంగారం దొంగతనం

మీ పరిశీలనా శక్తికి టెస్ట్.. ఈ ఫొటోల్లోని మూడు తేడాలను 45 సెకెన్లలో కనిపెట్టండి..