కేశ సంరక్షణ ఇలా...

ఎండాకాలంలో వేడి వల్ల తలలో విపరీతంగా చెమట పడుతుంటుంది. దీంతో మాడు మీద కురుపులు, దురద ఏర్పడుతుంటాయి. వీటిని వేపాకులతో సులభంగా పోగొట్టుకోవచ్చు. ఎలాగంటే...

• కొన్ని వేపాకులను తేమ పోయేంతవరకు నీడలో ఆరబెట్టి మెత్తటి పొడిలా చేయాలి. గిన్నెలో నాలుగు చెంచాల వేప పొడి, చెంచా కొబ్బరినూనె వేసి తగినన్ని నీళ్లు పోసి పేస్టులా చేయాలి. ఈ మిశ్రమాన్ని మాడుకు పట్టించి పావు గంట తరువాత గోరువెచ్చటి నీటితో తలస్నానం చేయాలి. ఇలా వారానికి ఒకసారి చేస్తే చుండ్రు తగ్గుతుంది.

• స్టవ్‌ మీద గిన్నె పెట్టి రెండు గ్లాసుల నీళ్లు పోసి గుప్పెడు వేపాకులు వేసి బాగా మరిగించాలి. తరువాత ఈ నీళ్లను వడబోసి చేత్తో కొద్దికొద్దిగా తీసుకుంటూ శిరోజాలకు కుదుళ్లకు పట్టించాలి. అరగంట తరువాత తలస్నానం చేస్తే మాడు మీద దురద మాయమవుతుంది. శిరోజాల బిరుసుదనం తగ్గుతుంది. కుదుళ్లు గట్టిపడి జుట్టు రాలడం ఆగుతుంది.

• రెండు గుప్పెళ్ల వేపాకులను మెత్తగా నూరి తలకు పట్టించాలి. పావుగంట తరువాత చల్లటి నీటితో తలస్నానం చేస్తే తలలో కురుపులు, దురద వెంటనే తగ్గుతాయి.

ఇవి కూడా చదవండి:

ఆస్ట్రేలియా స్టార్ క్రికెటర్ డేవిడ్ వార్నర్ అరెస్ట్

ఓటములకు బౌలర్లను మాత్రమే కారణంగా చూపొద్దు: క్లాసెన్