మనీ ప్లాంట్‌ ఏపుగా

ఎండాకాలంలో మనీప్లాంట్‌ ఏపుగా పెరగాలంటే కొన్ని జాగ్రత్తలు తీసుకోవాల్సిందే. అవేంటంటే...

• ఈ మొక్కకు నేరుగా సూర్యరశ్మి సోకితే ఆకులు త్వరగా వాడిపోతాయి. అందుకే మొక్కకు నీడ తగిలేలా ఏర్పాటు చేసుకోవాలి.

• దీనికి నీళ్లు ఎక్కువగా పోయకూడదు. మట్టి తేమగా ఉంటే చాలు. అప్పుడప్పుడు ఆకుల మీద కొన్ని నీళ్లు స్ర్పే చేస్తూ ఉండాలి.

• వేసవిలో కుండీని హాల్‌, లివింగ్‌ రూమ్‌, బెడ్‌ రూమ్‌లలో పెట్టుకోవడం మంచిది. బాల్కనీలో పెడితే మాత్రం నీడ ఉండేలా జాగ్రత్త తీసుకోవాలి.

• కుండీని మాటిమాటికీ కదపకూడదు. స్థిరంగా ఒకచోట ఉంచితేనే ఆకులు బలంగా పెరుగుతాయి.

• ఎండిన ఆకులు, కాడలను ఎప్పటికప్పుడు తొలగిస్తూ ఉండాలి. అప్పుడే కాండం పొడవుగా పెరుగుతుంది. ఆకులు పెద్దగా గుబురుగా వస్తాయి.

• మనీ ప్లాంట్‌ను మట్టిలో పెంచుతున్నట్లయితే నెలకోసారి మట్టిలో వర్మీ కంపోస్ట్‌ లేదా కోకోపీట్‌, సేంద్రీయ ఎరువులు కలపాలి. అదే నీళ్లలో పెంచుతున్నట్లయితే వారానికోసారి నీళ్లు మారుస్తూ ఉండాలి.

ఇవీ చదవండి:

ఇరాన్ యుద్ధం.. పెరగనున్న వంటింటి బడ్జెట్..

జీడీపీకి చమురు సెగ