గ్లాస్‌ స్కిన్‌ కోసం

చర్మం తేమతో నిండి బిగుతుగా చక్కగా నిగారిస్తూ ఉండాలని అమ్మాయిలంతా కోరుకుంటూ ఉంటారు. అలాంటి గ్లాస్‌ స్కిన్‌ కోసం కొరియన్‌ టిప్స్‌ ఇవే...

• ముఖాన్ని ముందుగా ఆయిల్‌ క్లెన్సర్‌తో తరువాత ఫోమ్‌ క్లెన్సర్‌తో శుభ్రం చేసుకోవాలి. డబుల్‌ క్లెన్సింగ్‌ చేయడం వల్ల చర్మ రంధ్రాలు శుభ్రమై ముఖానికి చక్కని మెరుపుదనం చేకూరుతుంది.

• మూడు రోజులకోసారి ముఖానికి ఎక్స్‌ఫోలియేట్‌ చేయాలి. దీనివల్ల చర్మంపై పేరుకున్న మృతకణాలు తొలగిపోతాయి. మొటిమలు, బ్లాక్‌ హెడ్స్‌ బాధ తగ్గుతుంది. చర్మం నున్నగా మారి ముఖం కాంతివంతమవుతుంది.

• ముఖానికి టోనర్‌ అప్లయ్‌ చేస్తూ ఉండాలి. దీనివల్ల చర్మం పీహెచ్‌ స్థిరంగా ఉంటుంది. ముఖం ఛాయగా కనిపిస్తుంది.

• సి విటమిన్‌ లేదా హైలూరోనిక్‌ యాసిడ్‌ ఎక్కువగా ఉన్న సీరమ్‌లను తరచూ ముఖానికి అప్లయ్‌ చేస్తూ ఉండాలి. వీటివల్ల చర్మం మెరుస్తూ ఉంటుంది.

• అవసరం మేరకు ముఖానికి మాయిశ్చరైజర్‌ అప్లయ్‌ చేస్తూ ఉండాలి. దీనివల్ల చర్మం పొడిబారకుండా తేమతో నిండి ముఖం కళగా కనిపిస్తుంది.

• రెండు రోజులకోసారి ముఖానికి ఫేస్‌ ప్యాక్‌ అప్లయ్‌ చేయాలి. చర్మ తత్వానికి సరిపడే ప్యాక్‌ను ఎంపిక చేసుకుంటే జిడ్డు, మురికి తొలగి ముఖ వర్చస్సు పెరుగుతుంది.

• కళ్ల చుట్టూ ఐ క్రీమ్‌ను రాసుకుంటూ ఉండాలి. ఇది కళ్ల కింద ఏర్పడే నల్లని వలయాలను పూర్తిగా తొలగిస్తుంది. దీంతో ముఖం కాంతివంతంగా కనిపిస్తుంది.

• బయటికి వెళ్లేముందు ముఖానికి సన్‌స్ర్కీన్‌ రాసుకోవాలి. దీనివల్ల ఎండ నుంచి చర్మానికి రక్షణ లభిస్తుంది. ముఖంపై ట్యానింగ్‌ ఏర్పడదు. చర్మం సహజంగా మెరుస్తూ కాంతులీనుతూ ఉంటుంది.

ఇవి కూడా చదవండి...

అమరావతికి అండగా నిలిచిన ప్రతి ఒక్కరికీ ధన్యవాదాలు: హోం మంత్రి అనిత

మార్కాపురం బస్సు ప్రమాదం.. డ్రైవర్, ఓనర్ అరెస్ట్

Read Latest AP News And Telugu News