గ్యాస్‌ ఆదా ఇలా...

వంట చేసేటప్పుడు గ్యాస్‌ వినియోగాన్ని తగ్గించే సాధారణ చిట్కాలివే...

• వంటను ప్రారంభించడానికి ముందే కావాల్సిన పదార్థాలన్నింటినీ సిద్ధం చేసుకోవాలి. దీనివల్ల అనవసరంగా స్టవ్‌ ఆన్‌లో ఉండే సమయం తగ్గుతుంది. గ్యాస్‌ కూడా ఆదా అవుతుంది.

• ప్రెజర్‌ పాన్‌, కుక్కర్‌లను వాడడం వల్ల వంట సమయం తద్వారా గ్యాస్‌ వినియోగం తగ్గుతాయి.

• వంటకానికి అవసరమైనంత నీటిని మాత్రమే వినియోగిస్తే వంట త్వరగా పూర్తయి గ్యాస్‌ ఆదా అవుతుంది.

• వంట చేసేటప్పుడు పాత్రలపై మూతపెడితే ఆహారపదార్థాలు త్వరగా వేడెక్కి వేగంగా ఉడుకుతాయి.

• ఫ్రిజ్‌ నుంచి పాలు, కూరగాయలను ముందుగానే బయటికి తీసి అవి గది ఉష్ణోగ్రతకు చేరుకున్నాకే వంటకు వినియోగించాలి. దీనివల్ల చాలావరకు గ్యాస్‌ ఆదా అవుతుంది.

• స్టవ్‌ బర్నర్లను రోజూ శుభ్రం చేస్తుంటే మంట సక్రమంగా వచ్చి వంట త్వరగా పూర్తవుతుంది. బర్నర్ల పరిమాణానికి తగ్గ అడుగు భాగం ఉండే పాత్రలను మాత్రమే వంటకు వినియోగించాలి. దీనివల్ల వేడి వృథా కాదు.

• చిన్న మంట మీద ఎక్కువసేపు వండే బదులు మధ్యస్థ లేదా పెద్ద మంటలను

  వినియోగిస్తూ వంటను త్వరగా పూర్తి చేయాలి.

• పిండి వంటలు చేసేటప్పుడు వెడల్పాటి మందమైన మూకుడును వాడుతూ పెద్ద మంట మీద తయారీ ప్రక్రియను త్వరత్వరగా పూర్తిచేయాలి.

ఇవి కూడా చదవండి..

నీట్ రీ-ఎగ్జామ్‌కు ఇంత భద్రత ఎందుకు.. కేంద్రాన్ని ప్రశ్నించిన అన్నామలై..

సూచీలకు జోష్.. రెండో రోజూ కొనసాగిన లాభాలు..