మోచేతులు మెరిసేలా...

మోచేతులపై నల్లటి మచ్చలను తొలగించే ఇంటి చిట్కాలివే...

• చిన్న గిన్నెలో అర చెంచా పసుపు, చెంచా తేనె వేసి బాగా కలిపిన మిశ్రమాన్ని మోచేతులకు పట్టించాలి. అరగంట తరువాత గోరువెచ్చటి నీటితో కడిగేసుకుంటే తేమతో నిండి మోచేతులు రంగు తిరుగుతాయి.

• బంగాళదుంపను మధ్యకు కోసి దానితో మోచేతులపై పావుగంటసేపు మర్దన చేయాలి. లేదా మోచేతులపై బంగాళదుంప రసాన్ని రాసి అరగంటసేపు ఆరనివ్వాలి. ఆపైన చల్లటి నీటితో శుభ్రం చేసుకుంటే మంచి ఫలితం కనిపిస్తుంది.

• వాడేసిన నిమ్మచెక్కతో మోచేతులపై నెమ్మదిగా రుద్ది పావుగంటసేపు ఆరనివ్వాలి. తరువాత గోరువెచ్చటి నీటితో శుభ్రం చేసుకుంటే నలుపుదనం విరిగి గరుకుదనం తగ్గి మోచేతులు ఛాయగా మృదువుగా మారుతాయి.

• గిన్నెలో చెంచా బేకింగ్‌ సోడా వేసి తగినంత నీటిని చిలకరించి పేస్టులా చేయాలి. దీన్ని మోచేతులకు పట్టించి మెల్లగా మర్దన చేయాలి. పది నిమిషాల తరువాత చల్లటి నీటితో కడిగేసుకుంటే సరిపోతుంది.

• రాత్రి పడుకునేముందు మోచేతులకు కలబంద గుజ్జు లేదా గ్రీన్‌ టీ ద్రావణాన్ని పట్టించి ఉదయాన్నే చల్లటి నీటితో శుభ్రం చేసుకున్నా ప్రయోజనం ఉంటుంది.

• గిన్నెలో చెంచా ఆలివ్‌ ఆయిల్‌, అరచెంచా చక్కెర వేసి కలపాలి. ఈ మిశ్రమాన్ని మోచేతులకు పట్టించి నెమ్మదిగా స్క్రబ్‌ చేయాలి. దీనివల్ల రక్తప్రసరణ పెరిగి మోచేతులపై చర్మం నిగారిస్తుంది.

• గిన్నెలో చెంచా పెరుగు, చెంచా కాఫీ పొడి వేసి బాగా కలిపిన మిశ్రమాన్ని మోచేతులకు పట్టించాలి. కొద్దిగా ఆరిన తరువాత పది నిమిషాలు మర్దన చేసి గోరువెచ్చటి నీటితో కడిగేసుకుంటే ట్యాన్‌ తొలగి మోచేతులు ఛాయగా మెరుస్తాయి.

• రోజూ మాయిశ్చరైజర్‌ రాసుకుని మర్దన చేసుకుంటుంటే మోచేతులు నలుపెక్కవు.

ఇవి కూడా చదవండి..

నీట్ రీ-ఎగ్జామ్‌కు ఇంత భద్రత ఎందుకు.. కేంద్రాన్ని ప్రశ్నించిన అన్నామలై..

సూచీలకు జోష్.. రెండో రోజూ కొనసాగిన లాభాలు..