కరివేపాకు తాజాగా...
ABN , Publish Date - Mar 09 , 2026 | 03:03 AM
ఎన్ని జాగ్రత్తలు తీసుకున్నప్పటికీ కరివేపాకు త్వరగా ఎండిపోతూ ఉంటుంది. అలాకాకుండా ఎక్కువరోజులపాటు కరివేపాకును తాజాగా ఉంచే చిట్కాలివే...
ఎన్ని జాగ్రత్తలు తీసుకున్నప్పటికీ కరివేపాకు త్వరగా ఎండిపోతూ ఉంటుంది. అలాకాకుండా ఎక్కువరోజులపాటు కరివేపాకును తాజాగా ఉంచే చిట్కాలివే...
కరివేపాకు రెమ్మలను మంచినీటితో కడిగి ఆకులను తుంచి ఆరబెట్టాలి. ఆపైన వీటిని జిప్లాక్ కవర్లో వేసి గాలి చొరబడకుండా సీల్ మూసి ఫ్రీజర్లో ఉంచాలి. ఇలా చేయడం వల్ల కరివేపాకు నెల వరకూ తాజాగా ఉంటుంది.
కరివేపాకును పలుచని రుమాలుతో తేమ లేకుండా తుడిచి పేపర్లో చుట్టి గాజు సీసాలో ఉంచాలి. ఈ సీసాను ఫ్రిజ్లో ఉంచితే చాలా రోజులపాటు కరివేపాకు తాజాగా ఎండిపోకుండా ఉంటుంది.
కరివేపాకును శుభ్రంగా కడిగి నీడలో ఆరబెట్టాలి. ఆకులు పూర్తిగా ఆరిన తరువాత ఒక ప్లాస్టిక్ డబ్బాలో వేసి ఫ్రిజ్లో పెడితే వారంపాటు తాజాగా ఉంటాయి.
కరివేపాకును ఐస్ ట్రేలో వేసి నిండా నీళ్లు పోసి ఫ్రీజర్లో ఉంచాలి. అవసరం ఉన్నప్పుడు వీటిని వాడుకోవచ్చు.
ఒక ప్లాస్టిక్ డబ్బాలో కరివేపాకును వేసి పైన పేపర్ను ఉంచి గట్టిగా మూత బిగించాలి. ఈ డబ్బాను ఫ్రిజ్లో ఉంచితే కరివేపాకు రెండు నెలల వరకు నిల్వ ఉంటుంది.
కరివేపాకును మిగిలిన కూరగాయలతో కలిపి ఉంచకుండా విడిగా భద్రపరిస్తే ఎక్కువ రోజులు తాజాగా ఉంటుంది.
ఇవి కూడా చదవండి:
254 ఏళ్ల చరిత్రలో తొలిసారి.. కివీస్ బౌలర్ అరుదైన రికార్డ్
అహ్మదాబాద్ పిచ్.. టీమిండియా ఆందోళన పడుతోందా..
