చక్కెరతో ఇలా కూడా...
ABN , Publish Date - Feb 26 , 2026 | 02:27 AM
చక్కెరతో రకరకాల తీపిపదార్థాలు తయారుచేయడమే కాదు చిన్న చిట్కాలు పాటించి పలు సమస్యల నుంచి బయటపడవచ్చు...
చక్కెరతో రకరకాల తీపిపదార్థాలు తయారుచేయడమే కాదు చిన్న చిట్కాలు పాటించి పలు సమస్యల నుంచి బయటపడవచ్చు.
మిక్సీ గిన్నెలకు తరచూ ఘాటైన వాసనలు పట్టేస్తూ ఉంటాయి. అలాంటప్పుడు వాటిలో రెండు చెంచాల చక్కెర వేసి ఒక నిమిషం పాటు గ్రైండ్ చేసి ఆపైన కడిగేస్తే సరిపోతుంది.
ఖాళీ డబ్బాలు, సీసాలు, వాటర్ బాటిళ్లను ఎక్కువ కాలం ఉపయోగించకపోతే వాసన వస్తుంది. వాటిలో చిటికెడు పంచదార వేసి మూతపెడితే చాలు.
చిన్న గిన్నెలో రెండు చెంచాల నిమ్మరసం, రెండు చెంచాల చక్కెర వేసి కలిపిన మిశ్రమాన్ని తుప్పు పట్టిన వస్తువులపై వేసి స్క్రబ్బర్తో రుద్ది కడిగితే వెంటనే అవి శుభ్రపడతాయి.
చేతులకు గ్రీజు, జిడ్డు లాంటివి అంటుకున్నప్పుడు లిక్విడ్ హ్యాండ్వా్షతోపాటు కొద్దిగా చక్కెరను కూడా తీసుకుని బాగా రుద్ది నీళ్లతో కడిగేసుకుంటే సమస్య తీరుతుంది. అలాగే చేపలు, ఉల్లిపాయలు, ముల్లంగి లాంటి వాటిని తరగడం వల్ల చేతులకు పట్టిన వాసనలను తొలగించడంలో కూడా ఈ చిట్కా ఉపకరిస్తుంది.
ఒక గిన్నెలో చెంచా చక్కెర, పావు చెంచా బేకింగ్ పౌడర్ వేసి కొన్ని నీళ్ల చుక్కలు చిలకరించి పేస్టులా చేయాలి. దీన్ని స్క్రబ్బర్తో అద్ది తోమితే వంటపాత్రలకు పట్టిన జిడ్డు, వాసనలు, మాడు మరకలు తొలగిపోతాయి.
ఆగకుండా ఎక్కిళ్లు వస్తుంటే నోట్లో కొద్దిగా చక్కెర వేసుకుని నమిలితే వెంటనే అవి ఆగిపోతాయి.
చిన్న గిన్నెలో రెండు చెంచాల చక్కెర, చెంచా కొబ్బరి నూనె లేదా గ్లిజరిన్ వేసి బాగా కలపాలి. ఈ మిశ్రమాన్ని సహజ బాడీ స్క్రబ్లా ఉపయోగించుకోవచ్చు. ఇది చర్మాన్ని మృదువుగా, కాంతివంతంగా మారుస్తుంది.
ఇవి కూడా చదవండి
మచిలీపట్నంలో భారీ చోరీ.. ఉపాధ్యాయురాలి ఇంట్లో 50 తులాల బంగారం దొంగతనం
మీ పరిశీలనా శక్తికి టెస్ట్.. ఈ ఫొటోల్లోని మూడు తేడాలను 45 సెకెన్లలో కనిపెట్టండి..
