Home Remedies For White Teeth: దంతాల పసుపుదనం పోయేదెలా
ABN , Publish Date - Jan 05 , 2026 | 01:36 AM
కొంతమందికి దంతాలు పసుపు రంగులోకి మారుతుంటాయి. వాటిని తెల్లగా మార్చే చిట్కాలివే...
కొంతమందికి దంతాలు పసుపు రంగులోకి మారుతుంటాయి. వాటిని తెల్లగా మార్చే చిట్కాలివే...
ఒక పళ్లెంలో రెండు చెంచాల బేకింగ్ సోడా వేసి కొన్ని నీళ్లు చిలకరించి పేస్టులా చేయాలి. దీంతో దంతాలను సున్నితంగా తోమాలి. ఆపైన గోరువెచ్చని నీటితో శుభ్రం చేసుకుంటే దంతాల పసుపుదనం తొలగిపోతుంది.
బాగా పండిన స్ట్రాబెర్రీ పండ్లు నాలుగింటిని గిన్నెలోకి తీసుకుని చెంచాతో మెదిపి గుజ్జులా చేయాలి. దీంతో తోముకుంటే గార, పసుపుదనం తొలగి దంతాలు తెల్లగా మెరుస్తాయి. స్ట్రాబెర్రీలో ఉండే మాలిక్ యాసిడ్ మంచి బ్లీచింగ్ ఏజెంట్లా పనిచేస్తుంది.
ఒక గిన్నెలో రెండు చెంచాల యాపిల్ సైడర్ వెనిగర్, రెండు చెంచాల నీళ్లు తీసుకుని బాగా కలపాలి. ఈ మిశ్రమంలో టూత్బ్రష్ను ముంచి దానితో దంతాలు తోముకుంటే మంచి ఫలితం కనిపిస్తుంది.
నారింజ తొక్కలు లేదంటే అరటిపండు తొక్కలను చిన్న ముక్కలుగా చేసి బాగా ఎండబెట్టి మెత్తటి పొడిలా చేయాలి. దీంతో తోముకున్నా దంతాలు తెల్లగా మారతాయి.
రెండు రోజులకోసారి మూడు చెంచాల కొబ్బరి నూనెను నోట్లో వేసుకుని కనీసం పది సెకన్లపాటు పుక్కిలిస్తే ప్రయోజనం ఉంటుంది.
తరచూ జామ, యాపిల్, క్యారెట్, స్ట్రాబెర్రీలను తింటూ ఉంటే దంతాలు పసుపు రంగులోకి మారవు.
కాఫీ, టీలను ఎక్కువగా తాగకూడదు. మద్యపానం, ధూమపానం లాంటి అలవాట్లకు దూరంగా ఉంటే దంతాలు ఎప్పుడూ తెల్లగా మెరుస్తుంటాయి.
ఇవీ చదవండి:
