సన్‌స్క్రీన్ రాసుకుంటున్నారా..?

బయటికి వెళ్లేటప్పుడు ముఖానికి, చేతులకు సన్‌స్క్రీన్ రాసినప్పటికీ ట్యానింగ్‌ సమస్య వేధిస్తుంటే కొన్ని జాగ్రత్తలు తీసుకోవాలంటున్నారు నిపుణులు. వాటి గురించి తెలుసుకుందాం...

• ముందుగా సన్‌స్క్రీన్ ను సరిగా అప్లయ్‌ చేస్తున్నారా లేదా అనేది పరిశీలించుకోవాలి. సన్‌స్ర్కీన్‌ను చూపుడువేలిమీద కొద్దిగా తీసుకుని ముఖానికి రాసేస్తే సరిపోదు. రెండు వేళ్ల పొడవునా క్రీమ్‌ను తీసుకుని ఆ మొత్తాన్ని ముఖానికి నెమ్మదిగా పట్టించాలి. పావు చెంచా కంటే తక్కువ మొత్తాన్ని రాస్తే అది సరిపోక ముఖం నల్లబడుతుంది. అలాగే చేతులకు, చెవులకు, మెడ భాగాలకు, నుదుటి అంచులకు కూడా తగిన పరిమాణంలో సన్‌స్ర్కీన్‌ను అప్లయ్‌ చేయాలి.

• బయటికి వెళ్లడానికి పావు గంట ముందే సన్‌స్ర్కీన్‌ను అప్లయ్‌ చేసుకోవాలి. అప్పుడే చర్మంపై ఓ రక్షిత పొర ఏర్పడుతుంది. రోజుకు ఒకసారి రాసుకుంటే సరిపోదు. ఎండలో ఎక్కువసేపు గడపాల్సి వస్తే కనీసం రెండు గంటలకు ఒకసారి సన్‌స్ర్కీన్‌ రాసుకుంటూ ఉండాలి.

• సన్‌ ప్రొటెక్షన్‌ ఫ్యాక్టర్‌ (ఎస్‌పీఎఫ్‌) కనీసం 30 ఉండే సన్‌స్ర్కీన్‌ను ఎంపిక చేసుకోవాలి. అలాగే యూవీ కిరణాల నుంచి రక్షణ కల్పించే బ్రాడ్‌ స్ర్పెక్ట్రమ్‌, పీఏ++ ఉన్నాయో లేవో పరిశీలించుకోవాలి.

• సువాసనకు, ఆక్సీబెంజోన్‌కు ప్రాముఖ్యమివ్వకూడదు. చెమటకు కరిగిపోకుండా వాటర్‌ రెసిస్టెన్స్‌ ఉన్నదాన్ని చర్మ తత్వానికి సరిపోయేదాన్ని ఎంచుకోవాలి. మొటిమలు ఎక్కువగా ఉన్న వారు మాత్రం ఆయిల్‌ ఫ్రీ సన్‌స్ర్కీన్‌ను రాసుకోవడం మంచిది.

• ముందుగా మాయిశ్చరైజర్‌ రాసుకుని ఆపైన సన్‌స్ర్కీన్‌ అప్లయ్‌ చేయాలి. కనీసం పది నిమిషాలు ఆగిన తరువాతనే ఫౌండేషన్‌ లేదా మేకప్‌ ప్రయత్నించాలి.

• సన్‌స్ర్కీన్‌ స్ర్పేలు వాడేవారు నేరుగా స్ర్పే చేసుకోకూడదు. ముందుగా చేతుల్లోకి స్ర్పే చేసుకుని ఆపైన శరీర భాగాలకు పట్టించాలి.

ఇవీ చదవండి:

పీఎస్ఎల్2026: పాకిస్థాన్‌కు మరో ఘోర అవమానం!

గంభీర్ పేరుతో ఉన్న ఏఐ వీడియోలు 36 గంటల్లో తొలగించాలి: ఢిల్లీ హైకోర్టు ఆదేశాలు