జంతర్ మంతర్‌పై సుప్రీంకోర్టు కీలక ఆదేశాలు.. కేంద్రానికి నోటీసులు

న్యూఢిల్లీ: జంతర్ మంతర్‌ను నిరసన ప్రదర్శనలకు కేటాయించిన ప్రాంతాల జాబితా నుంచి తొలగించడాన్ని సవాలు చేస్తూ దాఖలైన పిటిషన్‌పై సుప్రీంకోర్టు గురువారం విచారణ చేపట్టింది. ఈ మేరకు కేంద్ర ప్రభుత్వం, ఢిల్లీ పోలీస్ కమిషనర్‌కు ఉన్నత న్యాయస్థానం నోటీసులు జారీ చేసింది. వారి సమాధానాలు సంతృప్తికరంగా లేకపోతే చట్ట ప్రకారం తదుపరి చర్యలు ఉంటాయని ధర్మాసనం స్పష్టం చేసింది. జంతర్ మంతర్‌ను నిరసన స్థలంగా తొలగిస్తూ ఢిల్లీ పోలీసులు తీసుకున్న నిర్ణయాన్ని పిటిషనర్లు సవాలు చేశారు. ప్రత్యామ్నాయంగా ఇతర ప్రాంతాలను కేటాయించడం వల్ల ప్రజలు తమ సమస్యలను ప్రభుత్వానికి తెలియజేయడం కష్టమవుతుందని, శాంతియుతంగా నిరసన తెలిపే హక్కుకు విఘాతం కలుగుతుందని వాదించారు.

అయితే, విచారణ సందర్భంగా కేంద్ర ప్రభుత్వం తరఫున సొలిసిటర్ జనరల్ తుషార్ మెహతా వాదనలు వినిపించారు. జంతర్ మంతర్‌ను నిరసన స్థలంగా తొలగించే నిర్ణయానికి ముందు ఒక కమిటీని ఏర్పాటు చేసి, దాని పరిశీలన అనంతరమే నిర్ణయం తీసుకున్నట్లు కోర్టుకు తెలిపారు. దీనిపై స్పందించిన సుప్రీంకోర్టు.. ఈ అంశాన్ని పరిశీలించాల్సిన అవసరం ఉందని పేర్కొంది. కేంద్ర ప్రభుత్వం, ఢిల్లీ పోలీసులు సమర్పించే సమాధానాలను పరిశీలించిన తర్వాత తదుపరి చర్యలపై నిర్ణయం తీసుకుంటామని స్పష్టం చేసింది. కాగా, జంతర్ మంతర్‌ను నిరసన స్థలంగా తొలగించిన నిర్ణయంపై కేంద్రం, ఢిల్లీ పోలీసులు ఇచ్చే సమాధానాలు ఈ కేసులో కీలకంగా మారనున్నాయి. ఆ సమాధానాలను పరిశీలించిన తర్వాతే తదుపరి న్యాయపరమైన చర్యలపై స్పష్టత రానుంది.

ఈ వార్తలు కూడా చదవండి

ఢిల్లీలో పాఠశాలలకు మళ్లీ బాంబు బెదిరింపులు.. రంగంలోకి పోలీసులు

గుజరాత్‌లో దారుణం.. నగల కోసం ప్రాణాలు తీసేశారు