వర్షాకాలంలో చూడాల్సిన టాప్ ఫ్లవర్ వ్యాలీలు ఇవే

ఇంటర్నెట్ డెస్క్: ప్రకృతి అందాలను చూస్తే మనసుకు లభించే ఆనందం వేరే దేనితో పోల్చలేము. ముఖ్యంగా పూలతో నిండిన లోయలు అయితే ఆ దృశ్యం ఒక కలల ప్రపంచంలా అనిపిస్తుంది. భారత్‌లో అలాంటి అద్భుతమైన పూల వ్యాలీలు ఎన్నో ఉన్నాయి. వర్షాకాలంలో లేదా ఆ తర్వాత ఈ ప్రాంతాలు మరింత అందంగా మారతాయి. ఇప్పుడు ఆ అందమైన పూల వ్యాలీల గురించి తెలుసుకుందాం..

వ్యాలీ ఆఫ్ ఫ్లవర్స్

ఉత్తరాఖండ్‌లోని చమోలి జిల్లాలో ఉన్న వ్యాలీ ఆఫ్ ఫ్లవర్స్ యునెస్కో ప్రపంచ వారసత్వ ప్రదేశంగా గుర్తింపు పొందింది. దాదాపు 12,000 అడుగుల ఎత్తులో ఉన్న ఈ ప్రాంతం జూలై నుంచి సెప్టెంబర్ మధ్య పూలతో నిండిపోతుంది. 500కి పైగా పుష్ప జాతులు ఇక్కడ కనిపిస్తాయి. మంచుతో కప్పిన పర్వతాలు, ప్రవహించే వాగులు ఈ ప్రాంత అందాన్ని మరింత పెంచుతాయి.

జుకో లోయ

నాగాలాండ్, మణిపూర్ సరిహద్దులో ఉన్న జుకో లోయను ఈశాన్య ఫ్లవర్ వ్యాలీ అని కూడా అంటారు. ఏప్రిల్ నుంచి సెప్టెంబర్ వరకు ఇక్కడ పూల సోయగం చూడవచ్చు. జుకో లిల్లీతో పాటు 300కి పైగా పుష్ప జాతులు ఇక్కడ వికసిస్తాయి. ట్రెక్కింగ్ ద్వారా మాత్రమే ఈ ప్రాంతానికి చేరుకోవచ్చు.

కాస్ పీఠభూమి

మహారాష్ట్రలోని సతారా సమీపంలో ఉన్న కాస్ పీఠభూమిని మహారాష్ట్ర ఫ్లవర్స్ వ్యాలీ అని కూడా పిలుస్తారు. ఆగస్టు చివరి నుంచి సెప్టెంబర్ ప్రారంభంలో ఈ ప్రాంతం రంగుల పూల తోటలా మారుతుంది. 850కి పైగా పుష్ప జాతులు ఇక్కడ వికసిస్తాయి.

మున్నార్

కేరళలోని మున్నార్ ఒక ప్రసిద్ధ హిల్ స్టేషన్. తేయాకు తోటల మధ్య విస్తరించిన ఈ ప్రాంతం పూలతో నిండిన ప్రకృతి సౌందర్యానికి ప్రసిద్ధి. నీలకురింజి వంటి అరుదైన పువ్వులు ఇక్కడ కనిపిస్తాయి.

ఈ పూల వ్యాలీలు ప్రకృతి అందానికి నిజమైన ఉదాహరణలు. ప్రతి ప్రదేశం తన ప్రత్యేకతతో పర్యాటకులను ఆకట్టుకుంటుంది. వర్షాకాలం లేదా ఆ తర్వాత ఈ ప్రాంతాలను సందర్శిస్తే జీవితాంతం గుర్తుండిపోయే అనుభవం లభిస్తుంది.

Also Read:

ఎలక్ట్రిక్ కారుతో సుదూర ప్రయాణం? ఈ జాగ్రత్తలు తప్పనిసరి

ఎంతటి జ్ఞానవంతుడైనా ఈ తప్పులు చేస్తే కష్టాలు తప్పవు